ابن طمحي تقاعد عن سبب والناس مايدرون=ماهو عن كبر سنه فالحقيقه عن سبب ثاني
تقاعد لاجل ياخذ فرصته في شاعر المليون=وعيا يقبله سلطان والدكتور غساني

انا حاضر لكم بالمعرفه والشعر والقانون=وتكفي خدمتي ضمن الرجال طوال الايماني
يكفيكم تسابقكم عليها يابني ميمون=ولا جبتو عصا موسى ولا خاتم سليماني

صحيح انته معك خبرة طويله بس مامن لون=تعدتك القوافل وانت ماتقدر تعداني
اخذنا المركز الثاني وكان الاولي مضمون= لكن انتم فزعتو النتيجه رقم مجاني

تحسب انك تمشيها على هامان يافرعون=يابو ميزان متزعزع وانا معروف ميزاني
طفل منّا حصد مليون وانتم نصفكم يبكون=وعاقلكم يتمتم مثل تمتمة المريكاني

تعادل يامحمد جات والجمرة على الغليون=خلاص افرح يباشا وابسط الضحكه على شاني
أنا مستغرب تجيبون لو وعلٍ بدون قرون=كويس جبتو عراقي ولا جبتو بريطاني

ابن عتقان في هالقول لا صاحي ولا مجنون=لكنه شاعرٍ جاهل واعده ضمن ورعاني
مروعكم وفاجعكم وعاصركم كما الليمون=ولو انه عراقي منسبه من روس جداني

ابن عتقان فارس في نهار المعركه دندون=وانا ماني بورعك ولد ابوي وساس جداني
هرجتو حول عشر ايام مايعرف وش تقولون=عطيته وبك حنا لين رددها الحميداني

المشاركة الأصلية كتبت بواسطة ذعير العالي (المشاركة 1219407) الله الله طاروق في قمت الروعه سبحان الله ابن طمحي دايم طواريقه مع السليم مجنونه وفكاهيه ههههههههههه والله لايهينك يامحمد علي النقل الرائع وشكرن

المشاركة الأصلية كتبت بواسطة ابن عتيبه البار (المشاركة 1219429) ابن عتقان حي لهالحين ؟؟ أحسب انه قد مات سبحان الله

المشاركة الأصلية كتبت بواسطة فيصل بن فهد الجهني (المشاركة 1219498) لا هنت يا محمد الذيابي محاوره جميله .. و المعنى شبه سطحي و لكن بعض الردود .. يسمعون بالاثاره .. و لكن ما يعرفونها ..!!