ديوان شعري فيه ورده ذابله فيهـا ضمـور= تحكي جفاف شعور قلبك يوم قلبي فـاح لـه
والمشكلة دايم أعيش بنار بركـان الشعـور= وانتي تعيشين بجمود الثلـج فـوق الراحلـه
قالوا بأن الحب مهمـا كـان ينتابـه فتـور= وانتي فتورك شي مايوصف عجزت ارتاح له
غرك غرورك والبشر ماغرها غير الغـرور= روحك طليقه في الهوى يوم ان روحي باحله
عشتك غياب حضور وانا عشت بغيابك حضور= وانا ربيع وغيث ولا انتـي صحـاري قاحلـه
غني على دقات موسيقـاك يابنـت العطـور= يالي شربتي ماء حياتي من عـروقٍ ناحلـه
ياشجرةٍ من دون ظـل ولاثمـار ولازهـور= مثل السراب الي على درب المسافر لاح لـه
خليني اعيشك مثل ماقيل نوع مـن الخطـور= وغيبي عن القلب الذي نادى هواك وشاح لـه
يابسمةٍ علـى شفـاه الظلـم يانـارٍ ونـور= صحيح احبك بس عقلي صعب صعب اماحلـه
اذا تمادى القلب في غيه وشـاف الحـق زور= رده على حده وبالمنطـق دعـاه وبـاح لـه
اعلنت ثوره من صميم القلب من بعد العثـور= وطويت لشراع السفينـه يالسنيـن الماحلـه