العتيبي الذي اعجب بشجاعته الجنازه ابن رشيد
 

كنت في مجلس في الطايف قبل اسبوع وفيه شايب كبير في عمره تقريبا تجاوز المية عام ويسولف عن معركه بين قبيلة الجعده في الحجاز وقبيله ثانيه من عتيبه المهم الشايب راح يشرح القصه وتطرق لجعيد في المعركه هاذي يقال له غازي وكان الشايب يمدح غازي هذا ويقول فعل غازي وسوا غازي المهم الشايب استطرد في موضوع غازي وترك باقي القصه كعادة الشيبان الكبار هههههه
وقال غازي هذا كان دايم عايش مع ابله ومعه اخوه وعبده وكان في غازي هذا شجاعه متهوره وبطوله منقطعة النظير بالاضافه الي ان له شكل مرعب وكان يتبع ابله اينما اشتهت ويقول الشايب انه جلا الي نجد ومعه اخوه وعبده
وكان يسمع في نجد ان المطران هم اعداء العتبان وكان يحسب ان الخطر بس من المطران دايم يجي
و كان يرعي بأبله الحمر في نجد بقوة سيفه وفي احد الايام اغار عليه قوم مغيره طامعين في ابله لانها من السلاله الطيبه فركب فرسه وقام يحدي وقام يطاردهم ويعتزي انا الجعيد انا الجعيد عندها توقف القوم المغيرين حيث انهم طلعو مقطه من عتيبه وكلكم تعرفون علاقة الجعده والمقطه من بد عتيبه كلهم من شملا
انا صراحه اعجبتني القصه واتصلت علي احد اخوياي من الجعده يحفظ القصص وسالته عن غازي هذا فقال لي هذا معروف من الزواير من الجعده جلا الي نجد ومن ثم ذهب شمال حتي انتهابه المطاف الي بادية شمر وسمع الجنازه عبد العزيز بن رشيد بشجاعته فجعله من مرافقينه الخاصين في الحروب وحضر مع الجنازه معركة البكيريه واسرف في ذبح الريجيل فيها حتي ان ابن رشيد كان يقول هالعتيبي ذبح الريجيل ول ماقوى شجاعته وبعد المعركه زوج ابن رشيد غازي الجعيد شمريه
اما نهايته فقد قتل مع الجنازه في روضة مهنا وله سلاله حتي الان في حايل نعرفهم ويعرفوننا
انتهاء كلام خويي الجعيد
وانتهت سالفتي ياربعي عتابه
تحياتي

يعطيك العافيه المحيط ع الموضوع الطيب لاهنت

بيض الله وجهك يالمحيط
ونعم في الجعده وفي عتيبه كلهم
ولاهي غريبه على ربعنا وجيرانا الجعده

اخي الكريم اشكرك على النقل

وبخصوص الشيخ غازي الجعيد رزق بولدين حمود وعبدالله وهم بحائل مع ابنائهم وخوالهم شمر ولم ينقطعوا عنهم الزواير حيث ناسبهم ابناء الشيخ شداد الحمادي الجعيد زايد ومفرح رحمهم الله

سبعه شياطين ولا جعيدٍ واحد<<<< هههههههههههههههههه



لاحد يزعل هذا مثل عندنا بالحجاز




ارق التحايا

مشكور لاهنت