مقناص في عرض السماء برقها لاح = طلت علينا عقب طول المغيبه
كم مذهب(ن) منها امتلا صدره افراح = بعد لقاء فيها نفايس ذهيبه
بغى يصير لقلبه جناح وجناح = بعد التقى عقب الفراق بحبيبه
الله يبارك في فهد وبن مرجاح = فيها عطونا اخبار شاعر عتيبه
اللي نهض بيت الادب عقب ما طاح = وعزه قبل تركز عليه النصيبه
وضمد طعونه مثل تضميد الاجراح = ونال الشفا يوم اعتنى به طبيبه
عبدالمعين من اهل الافتاء والاصلاح = واهل المعرفه والمزايا العجيبه
نبراس شعره مثل فلاج الاصباح = مرجع ورمز وقدوة(ن) نقتدي به
عملاق ما نوفيه حقه بالامداح = ولا ننصفه مهما شعبنا النجيبه
رمز الشعر من جد ماني بمزاح = حامل لواه وعبقريه واديبه
شعره طعام(ن) للمسامع والارواح = وازكى من ازكى زاكي الطيب طيبه
لا اوحيت شعر اسطورة الشعر يا صاح =كنك تمشا في فياض(ن) عشيبه
نباتها ينعش عبيره ليا فاح = وطيبه مذاق المستمع يهتني به
قيم مقام الشعر في ماضي(ن) راح = وامامه اللي مايضام وخطيبه
واليوم في وقت المصالح والارباح = يدرا باسم غيره وهو ما دريبه
اهل الصحافه والبرامج بالانصاح = ما اعطوه واحد فالميه من نصيبه
عن واقع الساحه نشدنا هل الساح = واعطونا اجابه والاجابه غريبه
قالوا لها بيبان من غير مفتاح = ولا تنفتح لك لين تدفع ضريبه
وفي شاطي الساحه ثمانين تمساح = ما يفهمون المخطيه والمصيبه
وكانك تبي شعرك يبروز فالالواح = لو كان ما يعدى ولا ينبدي به
قدامك حلوق التماسيح فتاح = وفي كل حلق ارم لك حبة زبيبه
واستثني اللي ضد تيار الارياح = اهل المبادي والسلوم العريبه

المشاركة الأصلية كتبت بواسطة سابق زمانه- (المشاركة 850659) يابن دحيم الله يبيض وجهك ماتجيب غير الذهب .. صح السان الشاعر غازي بن دخيل الله والله يرحم بن ثعلي رحمتاً واسعه

و وجهك ابيض لاهنت


وشكرا على المرور

تحياتي