ياسلام الله على اهل المنتدى وحضوره=من ضميرً يرسل حروف الهجاء لـ/اللساني
بعد ماجينا نعس الديره الممــــــــــطوره=مالقيت اللي يبا يحمل تعب رعياني

مرحبا ياخالد الشاعر بكل شعوره = من هجوس الشاعر اللي جودته ياباني
أنت مايعجبك غير الديرة المدهورة = وأنت رعيانك هزيلة عنز وألا ظاني

البقى بالشاعر اللي ماخدم دستوره=ابتشلنا به هجوس اصلي وبه تيواني
خاطره يسحب كلامه لاوصل حنجوره=والخواطر ماتحب الظلــــــم والبهتاني

كل واحد يمتدح في صنعته والعورة = والعرب تعرف وشنهو الماس والمرجاني
ابلشنا راعي الرعيان مع دكتوره = مشكلة من خالد اللي مذهبه نصراني

ماحجب نور القمر غير الخسوف بدوره=يومك تحاول تحجب النور بالاغصاني
خابر أنّ الديره اللي جيتها معمــــــوره=مير هالحينه غدت فـ/انظارنا مرحاني

ربِّ جاعل عورتك ياصاحبي مستورة = كل مانستر لها جانا عميلٍ ثاني
القناعة قدم عين الناس مثل الكورة = وأنت تلهث كل شيء ولا تشوف الباني

المشاركة الأصلية كتبت بواسطة سنجار المري (المشاركة 1314245) صحت لاسنه متااابع بصمت