يا راكب اللي مصنع الشرق جابه= عليه من زين الوصايف عجوبه
دقة سويكه قبل تقفيل بابه= نغمات عود للغرام عزفوبه
و تغنجه في مشيته و انسكابه= تغنج اللي في ليالي الخطوبه
آخر موديل مورده دوب جابه= عشاقة الفكس آر ما سيروبه
عليه شغموم بليله سرابه= دوبه عليه و مطلع الفجر دوبه
و ليا تملك طارته وألتوابه= ثلاث ساعات الطريق محسوبه
ملفاه ربع من مقادم عتابه= ربع بهم بعض الديار محبوبه
من شانهم ينبع عشقنا ترابه= نفرح ليا من الحياء طاح صوبه
عيال الشيوخ اللي سوات الذيابه= ترتاح بالمجلس ليا سولفوبه
رجالهم حر سريع لبابه= ما هوب خنزيرن تنفخ ذروبه
عتابه ليا جات المراجل نهابه= ماهيب في طيب السلوم مغلوبه
و الطيب من صنعاء ليا ضلع طابه= وغرب وشمال وشرق نجد وجنوبه
جزيرة ربت سراحين غابه= يسبق بها مبدأسهيل بهبوبه
يابو فهد ياريف جمع القرابه= اللي ليا ضاق الزمان اعتزوبه
الوقت جابه يا حمر العين جابه= بعض الأمور اللي ماهي بمحبوبه
لين إنها صارت أمور تشابه= ويفق عليها و النفوس مغصوبه
يالله يا منزل لعبده كتابه= ياراحم عبد كباراً ذنوبه
تحمي بلدنا يالاله بشبابه= و تجعل لهم رزق وساع دروبه
الوقت للي ما يحسب حسابه= يأتي و يرحل و البشر ما دروبه
واسلم وسلم يا فتى بالنيابه= على الرجال اللي تفك النشوبه

يـا مـرحــبا بـالخــــط واللي لــفـــابه=عـــداد مــا تــذري ذواري هـبــوبــه
مـن شـاعـر زيـــن الـمـعـانـي بــدابه=عـلى الـنـقـا والطيب واضح أسـلـوبه
سـفـران بـن سـايـر فـصـيـح جــوابه=قـولــه وشـعــره درس لـلـي قــروبه
يـقـد مـن صـخــر المـعـاني صــلابه=يـغوص بحـر الشعـر يعـرف ركـوبه
راع الـكـرم لـلـضيـف مـفـتـوح بـابه=ذكـره وصــل فـي كـل دار شـهـدوبه
أبـو سـعـد يـا عــزمــن هــو لـجــابه=رجـل حـكـيـم وفي المواقـف عـدوبه
راع الـوفـاء والـطـيـب طبع مـشــابه= تـعـجـز كـثـيـر عيال تـمـشـي دروبه
رايـه سـديـد يحــل صعـب الـنـشــابه=لـه قـيمة عـنـد الـرجــال محــســـوبه
الـوقـت كـل قـد شـكـى مـن صــوابه=وقـبـلـك رجـال وقـتـهـم قـد شـكــوبه
قـل الحـيـاء والـدين مـا حـدن شـقـابه=بعـض العـرب يخدعـك نطقـه وثـوبه
بعـض الشباب يهـيـم يـطـرد ســرابه=ضــيــع حيـاتـه شــلــة غـــرروبـه
وبالنعم أخـص الملـتـزم مـن شـبــابه=مـنـهــاجــهـم عـلـم وديـــن اقــتـدوبه
جـتـنـا الفـتـن مـن كـل ديـره جـــلابه=أقـلام وإعــلام هـــزيـــلِ غــــزوبه
تحـارب الـسـنـة ودرب الـصـحـــابه=حـتى الرســول رسـومـهـم مـثـلــوبه
رسـولنا اللي واضـح الـشـرع جـــابه=نـــور جــلا كــل الـظــلام وســروبه
آخـر زمـان تـشـوف فـيـه الـغـــرابه=فـي كل يـوم نــقــص هــم عـــيّـدوبه
ضـاعـت قيم وعـلوم صارت حـرابه=حـرب على الإسلام ذنـب وعــقــوبه
و طـيـت حــــدود الله بـلـيّــا مــهــابه=فـيـه الحـلـيـم احـتار يخـشـى ذنـــوبه
فـيـه الـربـا والـظـلـم ما حـدن يـهـابه=مـا حــلّ بـيـديــهـم خـذوه و غـــدوبه
نــاسٍ ذكــرها الله بـمـحـكــم كــتــابه=وأهـل الـمـنـابـر والـكـتـب حــدثــوّبه
الـلـي يـخـاف الله و يــرجــي ثـــوابه=يـقــوم تـال الـلـيـل يـرجـي الـمـثـوبه
يـطـلـب مـن الـمـولـى منشي سحــابه=يـفـرج هـمـوم إسـلامـهـا والـعــروبه
عــداد مــا خـــط الـقــلـم بـالـكـتـــابه=وعـداد مـن طـاف الحـرم ثم سعـوبه
صـلـوا عـلى اللي دعـوتـه مستجــابه=مـحـمـد الـشــافــع لـمـن صـدقـــوبه

يانجر حنّا هل التوحيد=وحنّا للأرواح بياعه
ماهوب لأجل المعاش يزيد=حنا على السمع والطاعه
زال الحرايب برجلك قيد=لو تحتري قومة الساعه
يرضيك ما يرضي ابن حميد=هذا مقيظه و مرباعه