سلطان المنصوري .. وعبدالله العلاوه .. و سقطه في قناة الساحه ..!!
 

اسعد الله اوقاتكم اخوتي في اعضاء منتدى الهيلا الكرام

صراحه لا اعلم من اين ابتدئ .. فالشعر و الموروث في حاضر الايام .. بدأ يحتضر ..

لا اعلم هل الخلل من المتلقي .. ام من التطور والانفتاح .. ام من الشعراء انفسهم


مثال وجدته في اليوتيوب .. و من المحزن .. ان القناه الناقله .. يقال انها قناة المجتمع الواحد .. و هي في هذا الفعل .. لا تمثل سوى نفسها ..!!

نحترم المزح بين الشعار .. اذا لم يتعدى الخطوط الحمراء .. نعترف ان هناك ( ميانه ) بينهم .. لكن هل نسيوا وجهة نظر المتلقي .. هل نسيوا .. ان هناك متذوقين للشعر ..!؟

ما جلبته هو مجرد مثال .. و ليس منحصرا على هؤلا الشعراء .. فـ كثير من المستشعرين .. جلبوا لنا ما يكرهنا في الشعر ..!!

فرحماك ربي في مثل هذه المحاورات

سلطان المنصوري :

يا العلاوه ترا الدنيا طويله عريضه
و اكثر الناس منها يا العلاوه مريضه
وانت من كبر قدرك ضايفك بالحفيظه
شوف كيف الهوا يلعب براس الهواوي



عبدالله العلاوه :

فالحفيظه تضيف ام العيال وعيالك
انا لو ضفتني بتصير منته لحالك
ابا انبهك ما ابا اقول مالي ومالك
شوف كيف الهوا يلعب براس الهواوي




ملاحظة :: يعلم الله انني اكن كامل الاحترام للشاعر الكبير عبدالله العلاوه و كذلك الشاعر الشاب سلطان المنصور ..

و كل ما ذكر .. اعلاه .. يمثل وجهة نظر كاتبه .. و نحترم كافة المداخلات .. و وجهات النظر ..

ولا نقبل من يتعدى الخطوط الحمراء

و شكرا

الجزئية الاولى عن قناة الساحه اؤيدك فيها

اما بيت الشاعر سلطان وزميله انا اشوف انها ليس بها نزول حتى لوكان المعنى فيه مافيه الا ان العبارات سليمه

ومادام انت تتكلم عن سقطات الشعراء قللي رايك في محاورة المنقره والسفياني ؟

انتظر ردك

في المقطع اللي اضفته واضح ان القناة قناة السيوف ما هي قناة الساحه



بالنسبه للنزول كل ليله والشعار ينزلون والناس ماتدري

هلابك اخوي ماجد


جل من لا يسهو .. فأنا اعتقدت انها قناة الساحه .. و خانني النظر


استميح العذر للاعضاء و لقناة الساحه..!!


و شكرا على مرورك

كيف تؤيد كلامي وانت من وضع المحاورة هنا
تناااااقض غريب يالأمير

انا اتفقت في جزئيتك الا و هي .. اعتراضك على مثل هذه المحاورات


و لكن يا ابو علي .. كيف نبيّن الايجابي .. بدون ان السلبي ..!؟

و كيف نميز بينهم ..!!

فـ نحن هنا نمثل ثقافة جيل جديد .. فـ لا نعلم عن مرتادي هذه المواقع والمنتديات .. عن معدل الاعمار .. فقد يكون احد زوارنا .. عمره لا يتعدى الـ 13 عاما ..!؟

و بهذه المواضيع نكون قد ثقفناه و اافدناه ..!!


هذا كل الامر

و اشكرك للمره الثانيه على مداخلتك الجميله

هاذي البيات ماتعتبر سقطة مثل ماقلت الله يحفظك.........

و فيه شعراء كبار سبق ان بدر منهم كلام اقوى من هذا بالمحاورة .. و اذكر بيت للشاعر الكبير/ محمد
السناني . حيث قال.



وش رايك بهذا الكلام من السناني غلط و إلا صح

كما انه لايجب اننا نسلط الضؤ على شاعر بعينه ... و من المفترض تكتب عما يدور حول الساحة الشعرية ككل