من منبر الحكمة ونضم التعابير = وكر الصقور الملقية بالبراعه
ابرمي السبحة طناخه وتدمير = لهل النفوس المدمجة بالدناعه
مع احترامي للوجيه المسافير = ابسفهل بشوت ربع الاشاعه
لا جاهم اسمي صار حسن التدابير = لا قالو الشاعر غبنهم سماعه
اثر الغبن يذبح بحد السواطير = اثري ذبحت اقلوبهم في اذاعه
لا والله اللي قنبعت يالمعاثير = ما فيه لا رحمه ولا به شفاعه
ابخبط اغبار المشافيح ويطير = ابظهر المغبون واكشف اقناعه
ابفصده عرق(ن) يجي منه تمرير = ابكوي الملسون بسفل اخناعه
بشب ضوي في حدودي مع الغير = بحط بقلوب الحواسيد راعه
مدامه اسمي في نحركم مسامير = تبطون وانتم تشتكون الوجاعه
ما باقي ألا شلة اعوير وصوير = ترقى على كتفي بروح الجشاعه
ما همني بالوقت كثر القراقير = أطلق شنب نهديه سكت ضياعه
لو صغروني في نظرهم أنا كبير = لو حاربوني في قصيدي مناعه
أقول شاعر وافتخر يا المغابير = وعندي على ما قول قوه قناعه
يا طيب رأسي يوم اخمه بتفكير = كأنه مدير لاهي بجتماعه
لا غاب يضوي بالمعاني طوابير = ينقى جزيل القاف وزن وفضاعه
كنه معزب والقوافي مسايير = كان الحروف تقول سمعاً وطاعه
يسطر أبياته على الظرف تسطير = يسبح مع الديوان حسب ابتداعه
ولا جاء نهار فيه للمدح تشهير = طش الشماغ ويفتخر بالجماعه
ربعي عتيبه محتمين المظاهير = تاريخهم في نجد يا طول باعه
ذباحت الحايل زبون المناعير = لطامت العايل صقور الشجاعه
ماحسبو بالوقت كثر المخاسير = كن الكرم اخولهم با الرضاعه
ولا جاء مجال فيه وصف الغنادير = دون البراقع ما يزيد التياعه
ياصفلهن وصف البدو فن تصوير = نصفن يجي مليان وأخر مجاعه
ولا جاء مجال(ن) لصداقه معايير = حايز على أول مرتبه بنطباعه
محزم خويه لو تحد المعاسير = يسوق دمه دون لفة ذراعه
وليا بداله مع رفيقه مشاوير = سده متين ولا رجاء بنقطاعه
وليا حصل من بعض الأصحاب تقصير = الأوله يدمح لها بنصياعه
وان كان كررها قليل المعاذير = اغسل اشراعه صدق اغسل اشراعه
وبعض الوجيه اتشيل كبر بتجهير = برا الوجود وبالمواقف اضباعه
ذولاك أنا أحقرهم بنظره تحاقير = مسمع عليه ولو يجي بندفاعه
يمس عمره بالحكي وانه امير = ناقص ووده يكتمل بصطناعه
ولو كان له منصب بعد خير ياطير = دون المراجل ما يزيد ارتفاعه
يا ضعيف يا فاشل ويا عاكس السير = وين أنت رايح يا رخيص البضاعه
الكبر لله ما يبيله تفاسير = وألا أنت مسكين(ن) صنعته اصناعه
تسعين لحيه عندي الله بالخير = ما كن لهم في دنيتي نصف ساعه
ماهو غرور استغفر الله ولا غير = الخط واضح طابعينه اطباعه
حبيت اكفر عن خطاهم بتكفير = بيتين للي مقتدر بستطاعه
أعيد شرحي بس من باب تذكير = لا فيه لا رحمه ولا به شفاعه

انـا بدخـل على الله ثم على اهـل الشارقـه تكفـون = تـــرا الـقمــرا وداعـتـكــم امـانـه لا تـهـيـنــونــه
مبـي نجـرح مـشـاعـرهـا ابيـهـا تـبتـسـم للـكــون = تــرا بــالــه اذا روق يــديــر اخــراج مـجـنـونــه
مـثـل فـنـه عـلـى جـيـلـه تـرا مـابـه امـل تـلـقـون = يـاذكـر الله عـلى فـعـلـه كـثـيـر الـي يـحـسـدونــه
صحيح الـوقت زاد الـفـن بدل واحـد يجي مليـون = ولـكـن كــل هـالـعـالـم تـحـت يـمـنـاه مـرهــونــه
ولـو كـان الـزمن يهـدي هـديـه تثبت الـمضمـون = اكـيـد انـه هــو الـمعـنـي لـنـي شـفــت مـضمـونـه
جـديـده يشعـل الـسـاحـه قـديـمـه مـيـزه فـي لــون = تـفـنـن بـالـتـراث وحـشـمـت الـتصـويـر بـفـنـونـه
يـتـرجـم واقـع الـقـصـه يـبـين غــايــت الـمـكـنـون = خيـالـه يـرسـمـه صـوره يـشـكـلـهـا عـلـى هــونــه
عطـاه الله صـفـات مـع قـصيـدي كـنـهـم يـحـكــون = شـمـوخـه نـظـرتـه ذوقــه مــع اخـلاقــه يـحـلـونــه
لـيـا وقـف وقـال اسـمـه معـه كـل الـعـرب يصغـون = كـان اسـمـه مسـيـره شيـخ وكـل الـشعـب يحـيـونـه
معه مسمع حكي عاذل ولا ارضى ضحكت المغبون = ولــو كــل الـبـشــر قـالـو انـا ضــد الـبـشــر دونــه
احـبـه اشـاهـد اعــمـالـه وانـا معـجـب لـهـا باكــون = واذا شــفــتــه اصـفــقــلــه وقـــول الله لــعــيــونــه
فـديـتـه لــو يسـمـيني حـبيـب وشـاعــر ومـجـنــون = فـديت اسمـه على الـشـاشـه عسـى الحسـاد يـفـدونـه

قصتي قصة غرام وقصة الخط انشغاله = بين لحظات انتظار تسابق الشك بيقينه
مسفهل حجاج لاهي ما طرالي وش طراله = ما حسبت شكوك غيري بالنفوس وساترينه
أحسب أن الشك زايل لا ولا بالظن طاله = ما هقيت الود يفنى والغلا يفقد حنينه
لين شلت الخط فازع ثم تفاجأت بسؤاله = ليه وقتي بأنتظار الخط وانتم مشغلينه
قلت بسكت واتجمل يمكن تفيد الجماله = ما خذيت الا سكاتي للخيانه تنسبينه
دامك لعدة دقايق احتزمتي للشكاله = كيف بالله الجواب وكيف يمكن تفهمينه
لو رخيت شوي خايف تاصل لحد الجهاله = والفرس منهو رخاء بعنانها تأكل يدينه
الفرج ملفاه غيب وبالصبر تقدر تناله = كل شي(ن) لا طرالك بالركاده تفهمينه
أدخلي منيو جهازك وافتحي صفحة رساله = واكتبي احلى كلام(ن) في بريدي ترهنينه
وانسي اني يمكن ازعل والزعل ما جاء مجاله = وأن زعلت اقنع جنابك لين قلبي تقنعينه
وان زعلتي ما تركتك تزعلين به السهاله = وأن رضيتي ما رضيتك لين طبعك تتركينه
وكان طالت ما خذيتي في حصر وقتي وكاله = ولا بعد صرت الأسير اللي بحكمك تجبرينه
وكان قررتي لقلبي يتبعك لو هو شقاله = رددي مطولك ليل(ن) في قرارك تسهرينه
لعنبو قلبي لو أدري أنه بيرضى السفاله = كان اتله من ضلوعي قبل أشوفك تأمرينه
من لي الفنجال مده يرتوي مثله بياله = ومن برك لحمول غيره يصبر الله لا يهينه
ما به أحد(ن) في حياته كل وقت(ن) له صفاله = تجري رياح الزمان بعكس ما ود السفينه
وكان ودك تنشدين أسباب خطي وانشغاله = يمكن أطلع في غرام ويمكن رسالك أدينه