سلام ردت خير والدعوة تخص بن رشيد= شاعر ذوي زراق وقت(ن) فات سجل يا قلم
خلك هنيا يالعتيبي لاتفكر في الشديد= خلك مع عتيبه وود وهات سجل يا قلم

يامرحبا يالشاعر اللي جيت والعلم الاكيد = انّا ولازلنا هل الوقفات . سجل ياقلم
ياطيب حظ الي ليا جانا يفيد ويستفيد = وياشين حظ اللي بدون اثبات .. سجل ياقلم

الدار ترجع با لخيال اللي من المنشا سديد=عساك مثل الشايب اللي مات سجل ياقلم
ماهمني مادام في يمناي سيف ابن الوليد=ان راحت الاخصام ولا جات سجل يا قلم

عان الحيا يبرق ويرعد وانت قل هل من مزيد =فالساعه اللي امن ابرك الساعات .. سجل ياقلم
والله لأحدك حدّ لين اتذوب ياصلب الحديد =وانا موصى لي علاك اوصات .. سجل ياقلم

يا اللي تغني با لقصيد احكم مظامين القصيد=لازم تنسق صيغة الابيات سجل ياقلم
لاتستمع في اللي يوصونك على الحيد المحيد=احرص على روحك من العثرات سجل ياقلم