الهيـــــــــــــلا *** منتدى قبيلة عتيبة - قصيدة في الأبطال الذين انقذوا الفتاة هديه من العتيبي0

- شعراء قبيلة عتيبة (http://www.otaibah.net/m/forumdisplay.php?f=46)

قصيدة في الأبطال الذين انقذوا الفتاة هديه من العتيبي0

اخواني الاعضاء الشعر مدرسة ونحن طلاب فيها

اذا كان المصطفى صلى الله عليه وسلم يقول ان في الشعر لحكمة فنحن نقول ايما حكمة

نكره بعض المدح ولو كان في محله ولكن اذا كان منه فالشعر له طراوة لا اطيل عليكم

فشاعرنا الكبير سعد حسين العمرو الاسعدي العتيبي يتفاعل لشهامة الابطال المنقذين بعد الله للفتاه فاليكم درر قل ما نجدها في زمن اللاشعر

ياراعي الجوال صـورت برهـان=مقطع حزن كل(ن) سعى باستلامه
وقطعت قلب اللي يشوفه بالاعيان=وصورت وجه الخير وسط الجهامـه
مشهد غرق أعطى نموذج للانسان=اللي تجلّـت بـه معـان الشهامـه
فزعه شجاع وجزمة الذيب سرحان=والتضحيـه للغيـر نالـوا وسامـه
شافو ولا اعطو للفكر وقت واذعان=وعافـو حياة(ن)تقتفيهـا ندامـه
طبو شعيب الموت ياناس من شان=من شان ينعـم غيرهـم بالسلامـه
وخطّو مثل بارز على مر الازمـان=وفاة عـز(ن)او حيـاة الكرامـه

كفوو

عزالله انهم يستاهلون المدح ..على العمل البطولي الذي قاموا به ..والله يجعلها في موازين حسناتهم ..

ونحن نفتخر بهم ..ويستاهلون كل خير..

صح لسان الشاعر / سعد حسين الاسعدي ..والله يبيض وجهه ..ولاهنت يابندر على النقل الموفق..

...........

صح لسان الشاعر / سعد حسين الاسعدي..

ولاهنت يابندر على النقل الموفق..

صح لسان الشاعر/ سعد حسين الاسعدي على القصيده

ويستأهلون الابطال المدح على انقاذهم للمرأه

تحيتي