سلام نبدابه معه برق و رعود = وبعد الرعد و البرق سيل السحابه
هبت هبوب الشعر و الشعر موجود = السهم يشر يم ديرة عتابه

يا مرحبا بك عدّ ماهبت النود=ترحيب كنّه عود قوس الربابه
الشعر معنى بين نارٍ وبارود=لعل ماتحرق وتسلم ثيابه

بني و بينك علم مثني و معقود = ما يمدي العجلان ياخذ حسابه
الشعر فالميقاف ماهو بمفقود = لو نار خنذف ولعت في شبابه

الحبل خله لا يجي دوم مشدود=دايم تشده ياولد وش تبابه
الشعر والميقاف والطيب والجود=والساحلي ضرسه نشبّ وسط نابه