لـو كـل غلطـه تجينـا مانمشيـهـا=يشيب وجـه الزمـان معقّـد حجاجـه
انـداري النـاس ونحـاول نراضيـهـا=وغيـر المشاريـه ماخذنـا ولاحاجـه
لكـنّ هالسالفـه وش جـاب طاريهـا=غير أنت ياشمعـة الخفـاق وسراجـه
ياتحفـةٍ ماوجـد تحـفـه توازيـهـا=ياملـح شعـري ويارمـزه وياتاجـه
تعال شوف الحنايـا وش يجـي فيهـا=مـن لحظـة فراقنـا لاوقـت نتواجـه
تحصل به اشياء مدري ويش اسميهـا=خلت رجول الهجـوس الغبـر دواجـه
اي والله اهـواك لكـن ويـش تاليهـا=مـادام كـل الـدروب اليـك منعاجـه
مـن يـدك كـل الطعـون الله يحييهـا=الا طعـون الفـراق المـرّ وازعاجـه
سنين عمـري قطفـت احلـى لياليهـا=واخـذت قلبـي لأنـي كنـت محتاجـه
اتسهّـر النـوم والضحكـه تبكيـهـا=والناس قالوا يعـد الشخـص ماواجـه
سويت لك كـل حاجـه كنـت تبغيهـا=وانت ايش سويت؟ ماسويت لي حاجه!!!

المشاركة الأصلية كتبت بواسطة سـامــي النفيعي (المشاركة 768478) الله الله قصيدة في غاية الجمال وصح لسان قايلها ...وسلمت يمين ناقلهااا

المشاركة الأصلية كتبت بواسطة عبدالله الجـــذع (المشاركة 768487) فيصل كلااااااااااام كبيييييييييير سلمت يدك ياابو منيف ياملك الذوووق وصح لسان المبدع سلطان بندر محبك .,

المشاركة الأصلية كتبت بواسطة برقاوي والرأس عالي (المشاركة 768509) صح لسان الشاعر ونقل رائع وابداع يتواصل

المشاركة الأصلية كتبت بواسطة مشبب السريع (المشاركة 768666) صح لسانك وبيض اللة وجهة قايلها ووجهة ناقلها