الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى اللقاءات (http://www.otaibah.net/m/forumdisplay.php?f=98)
-   -   حصرياً لمنتدى قبيلة عتيبه الهيلا لقاء مع الشاعر المميز :صالح ال كحله...!! (http://www.otaibah.net/m/showthread.php?t=125182)

أبو مرحبا 25-Apr-2011 01:26 AM

حصرياً لمنتدى قبيلة عتيبه الهيلا لقاء مع الشاعر المميز :صالح ال كحله...!!
 
http://ahyaarab.net/images/446.gif


أخواني الأعزاء أعضاء وزوار منتدى قبيلة عتيبه الهيلا

لقاءانا اليوم مع شاعر مميز .. شاعر مبدع .. شاعر جزل بكل ماتحمله الكلمه من معنى

شاعر حلق بنا إلى عالم القوافي والاوزان ...

شاعر عذب استطاع خلال فترة وجيزه ان يكون له قاعده جماهيريه ومعجبين

شارك في شاعر المليون نسخته الثالثه ووصل مرحلة المئه وتميز بالصوت المميز الشيلات ومشاركته في مسابقة نجم القصيد سنة 2008


شاعرنا هو /

http://www.otaibah.net/ready/uploads...sQtxG9KMTh.gif

http://profile.ak.fbcdn.net/hprofile...274_9221_n.jpg

صالح ال كحله المري


يامرحبا ياابوعلي وابرك الساعات تواجدك و قبولك الدعوه ومشاركتك أخوانك أعضاء منتدى قبيلة عتيبه الهيلا

والرد على أستفساراتهم...؟

هذه بعض قصائد شاعرنا أتمنى أن تنال على أعجابكم




قصيدة الشعر .. والأعلام ..

الكامل الله .. والله ماني بكامل
انا بشر يخطي .. ولي قلب واحساس
احب واكره .. واتجاهل .. واعامل
واتعب على رفقة بعيدين الارماس
اشوم من ترديد ( نرجوا ... ونأمل )
وقلبي .. يحب مرافقة طيب الراس
رفقة وفاء .. ماهي برفقة مجامل
تبنى على وضح النقى .. ساسها ساس
مليت من غض البصر .. والتحامل
ونفسي ما تقبل .. خوة اضعيف الباس
والى قسى وقتي .. بثقل المحامل
نقلتها لو كل... وقت ٍ له الباس
ما عشت في تقبيل روس الانامل
ولا ركعت .. بعزتي .. لأجل قرطاس
كرامة الرجال .. تأمين شامل
وعمره خساره .. دون ذكر ٍمع الناس
من لين الجانب .. لخامل ,, وهامل
يشوف ما يكره .. من اصناف واجناس
هذا وجمهور الشعر .. له عوامل
كل ٍ وله في ديدن الفكر .. نبراس
ما كل من يكتب عن الوضع صامل
ما غير حبر ٍ .. ناشف وسط كراس
من لا فرض نفسه بفن التعامل
الشعر والاعلام .. ماهو بمقياس
صورة ولكن جوفها ... به دمامل
يا شين عقب البهرجة .. صك الافلاس
اقولها ..واللي بيمسك ,, فرامل
يعيدها ويفك ,, (ماببين الاقواس )




قصيدة تبت يد اللي تجرأ على سب الرسول

تبت أيد اللي تجرأ على سب الرسول
وقبح الله ... وجه.. من يرسمه رسم مهين
الحبيب المصطفى صاحب الوجه الخجول
اصطفاه الواحد الفرد ... داعي (ن) باليقين
خاتم للرسل تشريعنا من ما... (يقول)
وأمته.... خير.. امة(ن) أخرجت للعالمين
هيه يا الفجار ما احد(ن) على قدره يطول
الرسول اشرف من رسومكم .. يا الملحدين
وناسخ الأديان .. باق (ن) ولا يمكن يزول
رغم انف الكفر ... وألا... كلام المغرضين
ويا حماة الدين قوموا على ..قرع الطبول
طبلة الحرب أقرعت والوعد نصر(ن) مبين
درسوهم مثل درس... عطيناه (المغول)
وعيدوا التاريخ... للدين في ماضي السنين
يا هل النخوة ترى العز يأتي بالفعول
والحمية دون الإسلام ... عز المسلمين
حربهم بمقاطعتهم.. ولا نعلن قبول
لو تعذر ... ريس... ولو لفونا خاضعين
اضعفوا عبادة المال ورعاة العجول
واظربوا ... القاسي مع الوقت لين انه يلين
دون دين الله ما نقبل أنصاف الحلول
لين يدرك(( قدر الإسلام)) قوم(ن) حاقدين
وش ترجى من ورى من يسبون الرسول
حقت.. أللعنه عليهم ... مع إبليس اللعين




قصيدة خاطرك عندي يعادل له شعوب

اسوق جاه الله عليك وجاه حرفي والقصيد
لرضاك ياللي خاطرك عندي يعادل له شعوب

اعتب علي وازعل ولا كن لا تبعدني بعيد
خطر(ن) خفوقي من فراقك يا مغلبني يذوب

انا اعتبرك(اكبر رصيد) ان كان في عمري رصيد
وشلون اشوف وشمس وصلك هيفت يم الغروب

رسالة (ن) وصلتك ياقلبي مع ساعي البريد
مضمونها في ذمتي كذوب ياقلبي كذوب)

انت تعرف قدرك وتدرك وش مكانك يا عنيد
لا تخلط الاوراق يالبى عروقك ياللعوب

صحيح متأخر ولاكن ما وصلني لك جديد
و(قلت الظروف) الله يجيرك من ظروفك والكروب

عيدك مبارك يا مغلبني عسى عيدك سعيد
عيدتي لك من حروف الشعر و(المذنب يتوب )

لبيه ياللي بك( زعامةراس) واسلوبك فريد
ولبيه( يامشاركي انفاسي) وفي كاس الشروب

تبي الصراحه والله ان شيطانك الطاغي مريد
(يغويني)ونفسي تحب اللي يجيك من الدروب

بتقول لي مجنون (قلها) واعرف ان حبل الوريد
حبك جرى وسطه وباسبابك غداء الدم محبوب

اسوق جاه الله عليك وجاه حرفي والقصيد
لرضاك ياللي خاطرك عندي يعادل له شعوب

مرزوق حمدان العتيبي 25-Apr-2011 01:41 AM

..

.

فعلا شاعر مميز ومنشد رائع غني عن التعريف
مرحبا تراحيب المطر ياصالح وحياك بين اخوانك ...
شاكرين لك تلبية الدعوه .. والشكر موصول للمشرف الغالي ابو مرحبا على الاعداد..

ولي عوده باذن الله .....

عبدالمجيد النفيعي 25-Apr-2011 01:45 AM

يامرحبا الله يحييك بين أخوانك شاعر معروف وصاحب صوت عذب ومن قبيلة معروفة كيف لا وهم بعيدين المغازي

إن شاء الله يكون لي عودهـ

عبد الكريم العازمي 25-Apr-2011 01:47 AM

يا مرحبا والله بصآلح آل كحله .. حياك الله في مُلتقى الهيلآ



والشكر للأخ أبو مرحبآ..لي عوده..

أخو جوزا 25-Apr-2011 02:00 AM

اهلا وسهلا وحياه الله

فهد علي العازمي 25-Apr-2011 02:02 AM

هلا هلا
الله يحييه

لي عودة إن شاء الله

فهيد الايدا المورقي 25-Apr-2011 02:19 AM

نرحب بالشاعر/ صالح ال كحله المري في منتديات عتيبه الهيلا


وياهلا ومرحبا مليون


ونشكر الاخ ابو مرحبا على التنسيق والاستظافه



س: متي كانت اول بدايات الشاعر صالح المري ؟ واين كان اول ضهور اعلامي؟


س: ماذا قدم لك شاعر المليون ؟


س: هل تجيد فن القلطه امالنظم فقط؟



تحيتي

ماجد السميري 25-Apr-2011 02:36 AM


صالح ال كحله شاعر غني عن التعريف


ياهلا ويامرحبا حياه الله في منتدى الهيلا


والشكر موصول لك يابومرحبا على كرم الاستظافه



ولي عوده ان شاء الله

فهد الزهراني 25-Apr-2011 03:05 AM

يامرحبا بصالح آل كحله

شاعر جميل ومنشد مبدع وصوت شجي اتمنى له التوفيق...

تشرفنا بالحضور هنا والترحيب عند اهل الترحيب وشكرا لمن قام على هذا اللقاء ومن رتب له من الاخوة الفضلاء وشكر خاص للأخ ابو مرحبا

الاخ صالح آل كحله..

يلاحظ ان اغلب شيلات على رتم واحد هل لطبقة الصوت عندك سبب في هذا؟

هل ترى ان لك اسلوبك الخاص الذي استغليت فيه طبقات الصوت عندك في التفرد بطريقة معينه من الشيلات والاناشيد؟

كيف ترى...مستقبل الشيلات والانشاد في ظل كثرة المنشدين والشعار وانصاف الشعار وكثرة المنشدين والقنوات؟

اتمنى ان اسمع وارى لك الافضل دائما
دمت بخير

(مہودع دنہيأهہ) 25-Apr-2011 03:23 AM

هلا ومرحبا بالشاااعر صالح آل كحله المري في منتدى الهيلا نورت وشرفت


أبو مرحبا ما أقول إلا بيض الله وجهك على إستضاافه الشاعر والمنشد المبدع صالح آل كحله المري


أتيت الأن لأرحب ولي عوده للأسئله إنشاء الله


الساعة الآن »11:58 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd