يا نعمة النسيان نعمة كبيرة = ننسى ولو النفس دائم عزيزة
ونواصل المشوار من بعد حيرة= والله وهبنها بفضله غريزة
وأيامنا مثل الرحى المستديرة = ويكفي من الموضوع لمحة وجيزة
وفي كل يوم نشوف شر ونذيره = وكثر الجهل والجهل ما هو بميزة
وتسهل على أهل الدين لو هي عسيرة =ومحد(ن) يحل الغدر ولا يجيزه
ويطلب من الرحمن خير(ن) وخيرة = ويرضى بقسمة حق ما قال ضيزة
وعند العرب للجار قدر(ن) وجيرة = ما غرهم فالوقت ليرة وبيزة
والصاحب الغالي نجيه ونشيره= لو السفر دونه جواز(ن) وفيزة
والسر ما يظهر وهو وسط بيرة = وليا بد ما فاد دونه حريزة
و منهو يبا يجبر عظام(ن) كسيرة = لو كان كسر العظم صعب(ن) يحيزه
ولا النجوم أحسابها بن عميرة = موضح(ن) للي قرأه ويجيزه
ومن لا يشير الناس منهو شويره = ما هو محقق له أماني وجيزة