|
][ مدونة ولدعساف ][ فل الحجاج وخل عنك الهواجيس
بسم الله الرحمن الرحيم
اللهم صل على محمد وعلى آله وصحبه أجمعين السلام عليكم ورحمة الله وبركاته هذه الصفحه ستكون مساحه خاصه بي >> يعني ارجو منكم عدم الرد اذا ماعليكم امر :) وسأكتب فيه مايجول في صدري ومايطري في مخيخي من سوالف علوم قصص مواقف وقصيد لو انا نبا نجيب العيد ان كان كتبنا قصيد اتمنا ان تستمتعو في متصفحي .. أرجو منكم تقبل الرأي والرأي الأخر .. |
أولاً نبارك لكم حلول شهر رمضان ونقول لكم كووووول عام وأنتم بخير وصحه والله يجعلكم من من يصومه ايماناً وأحتساباً ..
ثانياً نبأ نعطيكم .. نديكم .. نوريكم .. نعرفكم .. بنبذه تعريفيه عن المدونه >> تم تكرار المعنى في اربع كلمات لكي تصل المعلومه لجميع اللهجات واللغات :) .. انطلاقتها .. انطلقة وحلقة في غرة شهر رمضان الموافق 2/9/1432 هـ الهدف منها .. تعبير وتقزير لما يجول فالصدر من مشاعر وأحاسيس .. :) |
بعد ماشفت ثورة ليبيا وشجاعة الليبين .. أنصح اللي ماتزوج يأخذ ليبيه .. ياعنك ان بيجي ولدها ذيب .. وتراهم معربين :).. |
http://www.youtube.com/watch?v=pIxt0...layer_embedded
الله أكبر يابو مدرهم صوتك يجدد جروحً قديمات وصح لسان العرافه عز الله انه هيضني .. :) |
هل المفاتيح تستهبل !!
ليش اذا جيت بتفتح الباب يطلع المفتاح اللي يفتحه أخر واحد هل هي لكاعه مثلاً :).. |
تفصيل يحتاج لتعليل ؟
الـ10 الأولى تلقى المساجد مقتضه بصلاة التراويح .. الـ10 الثانيه تلقى الصفوف مش ولا بد .. الـ10 الثالثه نص صف وزين ان حصل النص :) .. |
أظهر مالديك من إبداع بدون طلب ولا منة أحد !!
رجل مبدع فالشعر .. أرآد أن يظهر شعره بدون مايقول لربعه عندي قصيده وبالقيها أو يدور له واسطه عشان يطلع بأمسيه .. الرجل جلس في مجلس ربعه .. بدأت السوالف فتحدثو عن نمر بن عدوان وحبيبته .. وتطرقوا لبعض قصائد نمر .. فرجل قال على طاري نمر والغزل هذي بعض الأبيات وعدها لربعه لقاء قبول عند ربعه وأثنو عليها وسألوه لمن قال لي أعجبو بشعره وبعدها إذا أتى لمجالسهم أو حفلاتهم يطلبونه .. بالفعل عقل مفكر ليس كأغلب الناس عقل محجر :).. |
تلعب على مين يامحل ابو ريالين !! في أحد الأيام كنت متجول يتجول وسط سوق البدو .. شدني محل مكتوب علآه كل شي بريالين قلت ندخل المحل لعل وعسى نجد شيء مثلاً هديه نهديه لأحد الغالين أو مطرق نفرش به بعض الناس .. دخلت المحل ولكن صدمت أن أغلب البضائع سعرها فوق الثلاثين ريال .. طلعت وأنا مصدوم لمدة يوم وشلون وصل فيه الطمع والبشع والكذب .. ان يجعل لوحة المحل كل شيء بريالين ويم تطلع من المحل مامعك حتى ولا ريالين .. تذكرت المقوله العربيه المستعربه المعربه مع بعض التعديلات " من براء الله الله .. ومن داخل يصلحه الله " .. :) |
104 المشاهدات اللهم لك الحمد .. وأرحب بجميع اللحوات الغانمه من أعضاء and زوار وأقول أرحبو سلم عسافي :)
|
http://www.youtube.com/watch?v=9QMfM...eature=related
سبحان الله والحمد لله ولا إله إلا الله والله أكبر .. صوت تخشع له القلوب والجوارح .. أسال الله أن لايحرم صاحب الصوت وناشر المقطع وسامعه الجنه .. آمين .. آمين تنبيه .. لا أحد يشغل الأذان عصير ثم يحسبونه ربعه اللي عنده أذان المغرب :).. |
الحين بطلع أخذ لي طقة بالبلاستيشن 3 pes 2011 واللي يبأني أكسر رأسه ذا نك نيمي ..
mt3b511 وتراي متواجد من بعد صلاة التراويح لين الساعه وحده صباحاً بالروم 12 .. See you on the best :) |
http://www.youtube.com/watch?v=WvDdIOiDn4s
الله أكبر عليك يأبو عايش .. إبداع وإمتاع وأستمتاع بما تنظم وتكتب .. معجب بشخصك وشعرك :).. |
طش يا مطنش ^_*
بعض الناس تلقى الهموم ماضيقه خلقه .. اما سمعله علوم من وراه .. ولا سمعله كلمتينً جرحت مشاعره .. لذا عش حياتك زال انك سنافي وماتقوم به من أعمال وتتكلم به من أقوال لايخالف طاعة الله ورسوله ففلها وربك يحلها وطنشهم يامطنش .. :) |
{ لِٱ تِقٱسّ ٱلِعّقوَلِ بٱلِأعّمآرٍ ~ ()....•»
فگم من صغيًرٍ عّقلِہ بٱرٍعّ .... •» وَگم من گبيًرٍ عّقلِہ فٱرٍغ ... أنا أشهد لا وشيابنا الله يهديهم ويصلحهم يعايرونا بجيل النيدو .. جيل النيدو طير حكام وروؤساء دول .. شايب تونسي طلع باحد القنوات بعد ثورة الياسمين يقول : هرمنا لكي نعيش هاللحظه ..أنا اشهد ان جيل النيدو طحاطيح ولا عزاء لجيل خط البلده :).. |
|
الشاعر المبدع والمميز سعيد العمودي لامست دهاليز مشاعريّ :).. |
سيكون تواجدي بالفتره القادمه أقل لظروفي الصحيه .. أسأل الله أن يشفيني ويشفي جميع مرضى المسلمين والمسلمات شفاءاً عاجلاً .. لايغادره سقما ..
|
عدنا والعود فيه روماتيز :)..
نصيحه سلفيه باسلوب عسافي ! اليوم الجمعه وتوجد فيه ساعه مباركه وهي من ساعات الاستجابه لذا وبشده ننبه عليكم ان لاتفوتكم تلك الساعه .. تغانموها ياللحوات الغانمه :) .. |
بيض الله وجهتس يامدونتي محيييتن منتدى فنون النثر العربي خليتي له سمعه وصيت ولا منول وجهه بارد مع اقسام الهيلا .. لذا ارشحتس لجايزة نوبل والاوسكار واحسن ناقه :)..
|
تسجيل دخول لعيون عبدالمجيد النفيعي :)
|
إنس الأمس
لاشك ان الحياة مليئة بالعثرات والأخطاء وقليل هم من يجتازونها بنجاح .. والبعض قد يقع فيها وتصبح هاجساً له يفكر بها فلذا يذهب عمره وينطوي وقته وهو بالعاميه " مكانك راوح " .. على كل شخص ان ينسى مافات ويبدأ صفحة جديدة فلو لاحظنا سماحة ديننا الاسلام فهو يحثنا على العمل والانطلاق وعدم التوقف بالحياة فانظر الى رحمة الله عندما يتوب عبده فإنه يفرح ويجب ماقبل التوبه من ذوب ومعاصي .. فكيف بالحياة وعثراتنا الشخصية .. فلننلطق ونعمل ونصحح ماستطعنا من أخطائنا ولنضع بصمة لنا في خير حتى بعد موتنا يبقى ذكرنا بالمجالس ونحن بقبورنا .. فالحياة ليست دائمة والوقت لن يعود .. فجعل طاعة الله هي هدفك فإن طاعة الله هي النجاة بالدنيا والأخره .. ولاتنظر للأمس لانه ذهب ولن يعود ! :) |
اقتباس:
هههههههه أما هاذي صدقت شكلعا لعانه |
|
ترا حلآة الرجال عراف وفهيم .. وأستاذ بكل المعاني وخبري
إذا نشد عن شيء مايترك الميم .. ماشفت ماعينت ماوحيت مدري |
غزو العراق للكويت كان مؤامره من وامريكا اتفقت مع صدام وقالت له :ادخل وحنا معك !
تفجير برج التجارة مؤامره بالاساس , امريكا اتفقت مع بن لادن وقالت له فجر لكي تستحل افغان ستان . . ! تهديد ايران للخليج مؤامره . . امريكا اتفقت مع ايران وقالت هددي لكي يشترون منا اسلحه ويوقعون معنا اتفاقيات حمايه !! كل شي عندنا نخليه مؤامره ضدنا . . ماعمرنا فكرنا بشي بحسن نيه . . كل شي يصير لنا عندنا انه مؤامره ضدنا . . !! الخلل في عقولنا لابد ان تلغي فكرة الموامرة وتعرف من عدوها ومن صديقها |
البارح تابعة مباراة منتخبنا المنكوب مع منتخب عمان ..
للاسف ضيعت من عمري ساعة ونص هذا غير الوقت بدل الضائع :(.. اللاعبين تقول مغصوبين على اللعب يرجعون الكورة لدفاع والدفاع يشوتها قدام ومنتخب عمان جايز له الوضع .. واخذ مابغاه اللي هو التعادل مع اني لو كنت مدربهم لزيد المهاجمين لان منتخبنا خارج نطاق التغطيه .. وماحصل البارح مهزله ويستمر مسلسل مهازل الكورة السعودية .. مليارات تصرف والنتيجة صفر على الشمال .. الله يذكرك بالخير ياسلطان بن فهد ماتفهم غير بالعقال والمطرق :) .. |
مشتاق للجنة :( وخايف من النار :(
|
قرار صعب اتخذته قبيل شهر رمضان ولكن تقديراً لبعض اخواني تراجعت ومع تراجعي عنه الا اني افكر فيه والان قررت وصدرت .. ان اترك هذا المنتدى المبارك لاسباب خاصة .
اللهم إني أستغفرك من جميع الذنوب والخطايا ما علمت منها وما لم أعلم. إلهي إن لم تغفر لي وترحمني لأكونن من الخاسرين. اللهم إني أستغفرك مما تبت إليك فيه ثم عدت إليه. اللهم إني أستغفرك من ذنب تبت إليك فيه ثم عدت إليه. اللهم إني أسألك بعزك وذلي أن ترحمني. اللهم إني أسألك بعزك وذلي أن ترحمني. اللهم إني أسألك بعزك وذلي أن ترحمني. إلهي إن لم تغفر لي وترحمني لأكونن من الخاسرين. لا إله إلا أنت سبحانك إني كنت من الظالمين. لا إله إلا أنت سبحانك إني كنت من الظالمين. لا إله إلا أنت سبحانك إني كنت من الظالمين. اللهم إنك عفو كريم تحب العفو فـاعف عني. إلهي إن كان لي ذنب يحول بيني وبين إجابتك لدعائي فـاغفره لي، إنه لا يغفر الذنوب إلا أنت. أستغفرك اللهم من جميع الذنوب والخطايا وأتوب إليك. اللهم أني أسألك الجنة وما قرّب إليها من قول وعمل، وأعوذ بك من النار وما قرب إليها من قول وعمل. اللهم حرّم جلودنا وجلود آبائنا عن النار. اللهم اقسم لي من خشيتك ما تحول به بيني وبين معصيتك، ومن طاعتك ما تبلغني به جنتك، ومن اليقين ما تهون به علي مصائب الدنيا. اللهم استرني فوق الأرض وتحت الأرض ويوم العرض ولا تشمت بي عدواً ولا حاسداً يا أرحم الراحمين. اللهم اجعل آخر قولي في هذه الحياة الدنيا أن لا إله إلا أنت وأن محمدا عبدك ورسولك. اللهم أني أعوذ بك أن يتخبطني الشيطان عند الموت. اللهم أحسن خاتمتي يا رب العالمين. سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ سآمحونيّ + حللونيّ ارجو من الادارة ان لاتحذف الموضوع او المشاركة ولاتنقلهما |
الله يرحمك
|
اقتباس:
اخوي بجاد ... العضو ولد عساف بخير ؟ دعاءك له بالرحمه بهذه ألطريقه يقلق اطال الله عمره ورزقه الصحه والعافيه طمنّا عليه تكفا |
يعطيك العافيةيعطيك العافيةيعطيك العافيةيعطيك العافية
|
اولاً : مبروك عليكم الشهر وجعلكم الله مما يصومه ويقومه ايماناً واحتساباً
ثانياً : الله يوفقك ياعبدالمجيد واقول لك تراك السبب بعد الله في عودتنا للمدونه بعد الإعتزال :).. ثالثاً : انتظرونيّ هووون وان شاء الله تلقون الفايده والمتعه :cool: |
اذا جاء وقت المغرب كل الشعب حريص على موعد الأذان وتلقى كل واحد يرسل من حوله اسمع هو اذن ولا ما أذن !
سبحان الله حريصيين على الأذان وعلى مواقيت الصلاه برمضان ! أما غير رمضان الله المستعان ليت تهتمون بدينكم اكثر من بطونكم :) |
فيه ناس عايشه منيح ! وفيه ناس منيح إنها عايشه !
حكمه لبنانيه حلوه :) ماهو ربعنا قال تيس قال احلبوه ! التيس ماينحلب الله يصلحكم :rolleyes: لكن نيتكم ملتويه ;) |
الله يبارك فيك ويبقيك ياعبدالمجيد .. وانت ماشاء الله عليك محييّ المنتدى نشاط بكل اقسامه .. واخونا ماجد قلم رائع واتابع اطروحاته هو وشيخنا العلامه ابو ضيف الله :)
|
مساكم الله بالخير شهر مبارك وكل عام وانتم بخير سعيد بتواجدي معكم يا شدايد حزامي الله لا يهينكم
|
لشاعر سليم سلمان |
اقتباس:
مساك الله بالخير .. علينا وعليك يتبارك .. وانت بخير .. وحنا سعداء بتواجدك وان شاء الله نرى ابداعاتك بينا .. سلمت ولاهنت ياتاج راسي على المرور :) |
بيننا الوصل استحال , وبيننا البعد استحال
والغلا ممشاه فوق لـ فوق ما يمشي نـزول ليت من يصفى زمانه ويتهيا له مجـــــــال لا ظروف تحول دونه , والمفارق مايحــول يالجفول اللي يجفلها تحراااك الظــــــــــلال وان تحركتي تحرك لك رزينين العقـــــــول تاخذين من الدلال اللي يكفيــــــــــــك الدلال وأن تدللتي تجمهر ( كل خلق الله ) فضـول ما عطا غير الكريم , اللي عطا حد الكمال تنطحن روس السباع وينتصر رمش الجفول |
طريقه لختم القران كل 6 ايام .. وتراها مجربه من اخوكم :)
بعد كل صلاه اقرأ جزء .. او 10 صفحات قبل الصلاه و 10 بعد الصلاه .. لدينا 5 صلوات باليوم اي اننا سنختم 5 اجزاء وسنقرأ 200 صفحه يومياً وبشكل منظم وسيكون حصيلة المجموع خلال 6 ايام 30 جزء و 600 صفحه وبكذا ختمنا القران بطريقه سهله ومنظمه .. طبقها ونشرها وعلم غيرك بها وسلآلآلآلآلآلآلآلآلآلآلآلآلآلآلآلآمتكم :) |
| الساعة الآن »08:54 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd