|
يا محضـــر القوافــي
بسم الله الرحمن الرحيم
في يوم من الايام كنت في مجلس جاري , هاجري ونعم الجيرة بي هاجر هل الشيم, ولا اقصور في احد دخل واحد من رواد المجلس , واسمه بن طامي ونعم فيه ايضا, وحنا انسولف قالي: ياعتيبي انا بقولك قصيدة وابيك اترد عليي, وقلتلة انا ماني بشاعر قال يستحيل عتيبي ما يشعر , قلت مو شرط قال اذا ما يشعر , يزرق منه بيت ولا بيتين , وانا ياخواني , عندي خواطر مااعتبرة شعر: المهم قال بن طامي للهندي عطني , قلم وورقة , وعطاه وقام يكتب , لـهيت عنه , وقمت اسولف مع جاري , وطول ولتفت يمه , وقلت انت للحين تكتب قال ؟ هاه ...........ايه قلت تبي فزعة وانا اضحك. قال:لا وصوتله واحد من برا وشقق الورقة وخرج . وهو يضحك وطرت ابالي هذه الابيات:- وقول: يامحضـــــــر القـــوافـــــــــــي طــــــال تفكيـــــرك رتـــــــــب الحـــــــروف وأظهـــــــــــر معانيـــــــــها وان بغيــــــت الفزعـــــة ترانـــــــــــي اجيلــــــــــك لــك بيتيــــن عطيـــــــــتا مــا نبغــــي أجرهــــــــا يابــن طـامــي تستـاهـــــل وترانــــــي أهديلـــــــك مــن حـــــروف الهجــا ليــــــن تكمـــل عبرهـــــــــا ياهــاجري مــن طيـب ربعـــك تـرانـا عاذرينـــــــــك مـــا يلحقـــــك اقصــــور لكـن يقصــرك دبـرهــــــــا قصيدة اخوكم /ولد مجري @@@@@@@@@@@@@@@@@@@@ |
السلام عليك ورحمته وبركاته
ومــــــــــــــــن يقـــــــــــــــــــــــول
@@@@@@@@@@@@@@@ |
ابيات جميله ياولد مجري ....
والأهم ان اسلوبك في السرد والشعرد يدل على طيب معدنك وحسن شيمتك وياليت الزمن يجود برفيق مثلك وكنت سئلت قبل الان " ماذا تفعل اذا اختليت بنفسك " ولك الاجابه من اخوك سحيم ... لاخليت بالنفس راحت ياخوك هواجيس ..... كمات اليم يضرب اليابس بالامواج لاني براعي اوهام ولاراعي وساويس ..... بس الزمن يوشم الحر وشم كرباج يحسب للخطاوي وقيس ممشاه تقييس ..... ويحسب لما هو تحت الرماد وهاج ينشد العالي ويطلب ويبني على تأسيس ..... يرفع بناه ويطمحله فبرج من عاج ولستوى للفتى رسمه وثمر الغراريس .... ادبرت بالغرس ريح مرسله عجاج |
بســـــــم اللــــه الرحمــــن الرحيـــــــم
اخي العزيز/ سحيم العتيبي
اشكرك على هذا الكلام الطيب وشهادة اعتز فيها وهذه الابيات اهداء مني اليك:- يـــاسحيـــــم باعـــــدت النفــــس عــــن الهواجيــــــــس وعا كستــــــها بذكــــــر اللـــــه بكثـــــر المنـــــــــــــاج وذكـــــر اللـــــه مــا يوافـــق هـــــم وساويــــــــــــــس يشـــــــــرح الصــــــدر وخليــــك فرحـــــة وبتهــــــــاج تسبيـــــح وتهليـــــل ونبعـــد وسوســـــة ابليـــــــــــــس حنـــــــــــــا تحـــــــــــــت رب عزيــــــز وهـــــــــــــاج والمنتــــــدى فيـــــــه رجـــــال نشـــــاما قرانيــــــــــس أحـــــرار مـــــن عتيبـــــــــة شمــــــــوخ أبــــــــــــراج وأنـــــت لـــــك شكــــــر وذكــــــر بتقيـــــــــــــــــــس يــــــزيد مقامــــــــي برفقــــه راعـــي الهجــــــــــــــاج كلمات أخوكم / ولد مجري @@@@@@@@@@@@@@@@@@@@ |
صح الله السانك يبن مجري
وياسحيم على هالمشاركات الرائعه ويعطيكم العافيه |
والله مدري ياولد مجري
لي انتقاد علي القصيده
اتمني ان تستخدم اسلوب جديد فالشعر واما بيوتك مكسوره تقبل تحياتي الصمصـــــــام |
الاخ الصمصام للجميع الحق في ابداء الرأي ولكن من توقيعك اتحداك تترجم الشطر الاول :
كل ما درت وجه الراحله يم صوب اتحددددددددددددددددداك:D|4|:D|4| |
اترجمه ليه شايفه مكتوب بالانجليز
طيب ولا يهمك
كل= يعني اي وقت او في كل حاله ما درت= يعني وجهت (شمال_جنوب_شرق_غرب) وجه الراحله=يعني مقدمه الراحله يم صوب= يعني جهه معنى الشطر اني كل ما بغيت اروح لجهه معلوم ياسحيم تقبل تحياتي طيب اشرح الشطر الثاني وتراني ما اقصد احد فيه الصمصــــــــــام |
الســـــــــلام عليـــــك ورحمتـــــه الله وبركاتـــــه
على العموم ...........حياكم الله
|
بسم الله الرحمن الرحيم
السلام عليكم ورحمته وبركاته
يسلم يمينك ياولد مجري مشاركة تشكر عليها مع تحيات / النصيف |
| الساعة الآن »07:45 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd