يا معلّمني عن اللي صار عطنـي ربـع ساعـه=لين أضيف اللي طرالي من هجوسي وأستضيفـه
وقّت الساعه و سجّـل نشـرة أخبـار الإذاعـه=وأترك التلفاز ينشـر علمـه بصـدر الصحيفـه
مركب الحريـه اللـي للفـرج يومـي شراعـه=عقب مـا أبحـر بالمعـدات الثقيلـه والخفيفـه
أعترض له من يبيـع العهـد ويخـون الوداعـه=ليـن حـوّل بالهيلوكبتـر وشـالـه بالقذيـفـه
اليهودي مـن قديـم الوقـت مكشـوف بقناعـه=يدعـي معنـا السـلام ويخـدع العالـم بزيفـه
يستبيـح الـدم ويبـوق المواثـيـق بخـداعـه=ويطلع من الـدم وجهـه طلـق وثيابـه نظيفـه
وأمه اللي ترضعه في حيد أخوه مـن الرضاعـه=أن روا منهـا تفكـه يسـرح ويمـرح بكيـفـه
والعرب تزمر غضب .. من ذل ماهو من شجاعه=وأستعانـت فـي مشاعرهـا الرقيقـه والعنيفـه
يدفن المريوس راسه غصب والريّـس رعاعـه=لو تشوفه فـي احتفـالات البـلاد يسـلّ سيفـه
تشجب اصحاب الجلاله والسمـو مـن الجماعـه=والنتايـج تقتسـم تنديـد الأمـه بالنصيـفـه !
راحت القدس الشريفـه بينهـم مثـل البضاعـه=وبكره الضفّه وغزّه .. تلحـق القـدس الشريفـه