سلام رديه من الدوحه ليا حد الرياض=مضمونها عز وعلوم الطيب محدٍ ملها
كل البيارق في قطر والضبي لعّاب الفياض=ماضيّعه كود العشيم اللي عجز ياصل لها

يا مرحبا عداد برقٍ في سحاب الصيف ناض=مضمونها التقدير وعلوم النشاما كلها
الفرق مثل الفرق في لون السواد عن البياض=الاوله والثانيه ما جالها كفوٍ لّها

دام البقا والشبرمي يمٍ تلاطم واستفاض=قدمه بعام المري اللي كم كبود ٍ ملها
صدقت يالروقي واشوف الناكس اللي مااستعاض=ادموعه الاربع على خده مقفّي هلها

بانت حقيقتها على المكشوف والمكنون فاض=عمتك صار الغشّ قدّام الملا .. طبعٍ لّها
من لا يعرف الصيرميّ اللي يجيد الانقضاض=يشويه ما يدري و لا يذهن و لا يفطن لها

اخذتها غصبٍ عن الزعلان والحقته شواض=يحرق بقايا عنجيهيتكم ويرهي غلها
من النجيل لمكتن وعوِّد ليا قاع المراض=مامنكم اللي ياصل (الراحة) يبا يحتلها !؟!

انته عظامك تنتفض في لحظة الخوف إنتفاض=والضحك ما يمشي على ناسٍ شريفٍ دلّها
بحبالكم لو تجذبون الدلو ما يملا الحياض=و كبودكم تبقى عطاش و دلوكم ما بلّها