ياسلام الله برده من هجوس وايليه=تغسل اللي ذمته تال الليالي ماغسلها
الحمول الكايده تبغى لها جمال ٍ قويه= يوم حطوها على المفرود عيّا يحتملها

مرحبا عقب السلام وعقب ردينا التحيه = كل كلمة تستحي منها ليا غنيت قلها
من زمان العام وأنته تدري أن النار حيه = أنشد اللي حافها يارع الجدعا وكلها

البقا والله يبارك في زمان العنصريه=يكذب اللي قال بان الناس تجزى في عملها
منتج الافلام لولا غلطته مافيه زيه=الف القصه لكنه للاسف !! حطك بطلها

ذمتي من ذمتك ياراعي الذمه بريه = لو ديار القوم ماظمتك شفتك في بدلها
أنت وش محرق حصاتك ياوليد الوايليه = مخرجي ماحطك الناقه ولا حطك فحلها