قالت تركد وامسك الارض ورتاح
 

قالت تركـد وامسك الارض ورتــاح
وش فيــك مستعجل يمال الغنايم
قلت السوالف ماتجي ضحك ومـزاح
نسهر ونصبر با الحزن وانت نايم
قالت ليالينا تعدي با الافـراح
تــراك عــن دنياك منته بصايم
قلت الصبر يابنت في صدري رماح
لونك تعرف اللـي بنا منت لايم
خايف من التاخير والسر لو باح
وانا ماحب اهل الفتن والنمايم
يارب جملنــا ولو حضنا طــاح
اوادع الــدنيا ولانـي بحايم

قصيدة : مسند بن دعيس القريد الوابصي

ماجيــت لتويتــر ادور مواليــف
الله وهبني شي ماجاء لغيري
ياكثركم ياللي تجيبو سواليـف
منها تصيــر وبعضها ماتصيــري
هاذي سنه فيها تجينا صواديف
بكـــره كسبناهــا وروح بعيــري
ايو الله انا ماخســـرنا مكاليـف
يومن خلــق الله تلـف وتديـــري
مانستمع هرج الخبول الملاقيف
عارف مخارجها وعارف مصيـري
اتشوفني فوق الجبال المشاريـف
ابيوت شعري وارده من ضميري
الشاعر / مسند بن دعيس البلوي