الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   غرو هدب عينه يهد البنايات , نظرته تسطي من لمحه وتبعها (http://www.otaibah.net/m/showthread.php?t=148264)

عايض النفيعي 28-Feb-2016 02:43 AM

غرو هدب عينه يهد البنايات , نظرته تسطي من لمحه وتبعها
 
السلام عليكم


عايض تعلى فوق هام الطويلات
يركي وإلى شال الثقيله قشعها

ماقد كتمه الحب اعن الثقيلات
حمل الثقيله في وريده زرعها

لكن هالايام لاحقه صكات
يمكن من اللي امتزايد ولعها

غرو هدب عينه يهد البنايات
نظرته تسطي من لمحه وتبعها

فيها وصوف جامع هالجميلات
من كل حلوه ماخذه شي معها

من كثر ماقالو ترى هو شمات
جاها بلا ضعف الخصر ثم فجعها

والردف فيه الموت موت الملذات
فاصخ حيا مير الحيا مانزعها

لاجيت من قدام او عكس وجهات
الردف واضح ماختلف من طوعها

وشلون تحملها وهي من الرقيقات
كيف البست واللبس كيف اتسعها

شفته قبل كم يوم والوضع شكات
في موقع وسط الخبر لي جمعها

يمشي معه ريم لا راحت والى جات
اهو يجي جنبه وهي ريم معها

هذي تشوف ابها الحلا بالطويلات
وهذي غنجها كن زايد وجعها

تشبه لها وضح لملك البشاوات
الها النخب في كل عام جمعها

اليا اعرضت نادو لشيخات شيخات
وامن الغنج ماتستمع لو سمعها

لفت ولا قفت اتحرى لـ لفات
عيني ذبحها الجوع واهوه شبعها

في كل لفه تلفت العين نظرات
نظرات من جوفه موضح نبعها

سبحان من ميزه بالزين بالذات
على جميع الناس واضح طبعها

اليا استوت بين المخاليق ثم جات
حرج على كل الخلايق وبعها



وسلامتكم ..,

راشد النفيعي 14-Apr-2016 02:26 PM

سالم وصح لسانك لاهنت

منبر اعلامي 24-May-2016 09:47 AM

ابيات جزله من راس جزال لاهنت وصح لسانك


الساعة الآن »01:33 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd