الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   حبيب العازمي وسعود الزعبي (http://www.otaibah.net/m/showthread.php?t=121388)

!! . مــآجـد . !! 25-Jan-2011 08:09 AM
حبيب العازمي وسعود الزعبي
 
سعود الزعبي


يامرحب في محل المجد والهيبة =بأسم القبيلة وانا شاعر ومثلها
الليل والضيف في حكمة معازيبة =ناساً تحب الجميل الله يجملها



حبيب العازمي


دام البقى من عتيبياً عن عتيبة =ينوب عند الرجال اللي يقابلها
الليل واللي تغنيبه نغنيبة = عطنا علومك من اخرها لي أولها

سعود الزعبي


الليلة والعلم تشريقة وتغريبة = وعقيل حلت على حدك قوافلها
والسيف ياصاحبي بانت مضاريبة = لكن خل المجنن في سلاسلها


حبيب العازمي


ضلع الحجاز الكبير أليا قنب ذيبه = اسباع كل الدير يمكن يجفلها
يصبر على الضو من يلحق مشاهيبه = والناس لو لا التعب ضاعت مراجلها



سعود الزعبي


الموت جزام قلي وش تسوييبه = مير اقصر السالفة ولا تطولها
ابعيرنا الي تبا وداي تفليبه = إحبالنا دوك ننقضها ونفتلها


حبيب العازمي


الموت سنة وكان الله بلانيبه = مع نزعت الروح ياربي تسهلها
لو عاش ابوزيد والاسنان تركيبه = اسنونه الاوله صعباً يبدلها


سعود الزعبي


سود الليالي تُروع الورع والشيبه = يا مقشر الارض لو ثارت قنابلها
حبيب العازمي طالت هناديبه = اقول له سكر الموجه ويرسلها


حبيب العازمي
انا اسال الله يجيب مطول الغيبة =قال المثل من يدورها تحصلها
ياسعود هذي وهذي ماهيب صعيبة = حتى قناة الفضاء نقدر نشغلها


سعودالزعبي


اثرك كما زعفران الهند ابو شيبه = اكبود يسوالها واكبود يدبلها
انت بدوي يحب النم والغيبة = والبدو ياصاحبي ماني مجادلها

حبيب العازمي



الطيب اللي تطيب الناس من طيبه = ولا الردي لو خدم ربعة يفشلها
انت بدوياً ما يحفظ ما يصليبة = بس يحفظ تبرك الناقة يعقلها








http://www.youtube.com/watch?v=UZUy8...layer_embedded









تم تعديل بعض أخطاء التنسيق والأخطاء الإملائيه

الباااسل 25-Jan-2011 03:11 PM
لاهنت على نقل المحاورة الرائعه ياماجد

محمد المرشدي 25-Jan-2011 04:32 PM
لاهنت ياماجد محاوره رائعه

لكن فيه اخطاء مطبعيه ياماجد فالبيوت الاوله مكتوب الليله والصحيح الليل

وبيت حبيب الصحيح الموت سنه وكان الله بلانيبه ماهوب الموت سنه وكان ربي بلانيبه


هذي اخطاء تكسر فالوزن وبغينا نعدلها لكي تتضح الصوره

ولاهنت وبيض الله وجهك على المحاورة

فهد علي العازمي 25-Jan-2011 05:41 PM
يازيــــــن هالمحاوره


تسلم يمينـــــــــ،،،،،،،،،،،ــــــــــــــــــــــك

!! . مــآجـد . !! 25-Jan-2011 10:59 PM
اقتباس:
المشاركة الأصلية كتبت بواسطة الباااسل (المشاركة 1151914)


لاهنت على نقل المحاورة الرائعه ياماجد
حياك يالباسل
وشرفني مرورك من هنا

لك تحيتي وتقديري :)

!! . مــآجـد . !! 25-Jan-2011 11:02 PM
اقتباس:
المشاركة الأصلية كتبت بواسطة الخذامي (المشاركة 1151925)
لاهنت ياماجد محاوره رائعه

لكن فيه اخطاء مطبعيه ياماجد فالبيوت الاوله مكتوب الليله والصحيح الليل

وبيت حبيب الصحيح الموت سنه وكان الله بلانيبه ماهوب الموت سنه وكان ربي بلانيبه


هذي اخطاء تكسر فالوزن وبغينا نعدلها لكي تتضح الصوره

ولاهنت وبيض الله وجهك على المحاورة

يامرحبا بك يالخذامي واسعدني حضورك
وتنبيهاتك المهمة جداً عن الاخطاء التي بالموضوع
واشكر الادارة ايضاً على التنسيق والتصحيح

لك تحيتي وتقديري :)

!! . مــآجـد . !! 25-Jan-2011 11:03 PM
اقتباس:
المشاركة الأصلية كتبت بواسطة فهد علي العازمي (المشاركة 1151936)
يازيــــــن هالمحاوره


تسلم يمينـــــــــ،،،،،،،،،،،ــــــــــــــــــــــك
يازينك انت , ويزين مرورك :)

لك تحيتي وتقديري يالغالي

..

ذيب الحربي 31-Jan-2011 03:23 PM
ضـلــع الـحـجـاز الكـبـيـر ألـيــا قـنــب ذيـبــه00اســــبـــــاع كـــــــــل الــــديـــــر يـــمـــكـــن يـجــفــلــهــا

صح السنت الشعار
وبيض الله وجهك علا النفل

أبو جساس 31-Jan-2011 03:57 PM
الله الله

أحسنت محاوره مميزه

لاهنت

!! . مــآجـد . !! 31-Jan-2011 11:42 PM
ذيب الحربي .. ابو جساس

شكراً لمروركم من هنا

لكم تحيتي


الساعة الآن »01:37 PM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd