موترك الأبيض علامه والعٍ نوره = هو انت مطرود ولاّ جاك خفخافي
حنا ترانا نبا دعواك مستوره = لكن فيك البلى يالله ياكافي
ترى الصواديف مقهوره وماموره = والناس يذري من فوقها السافي
والوقت الاشهب علانا مد حنجوره = والناس في وقتها هزال وضعافي
وابك انت مسكين وقتك منتهي دوره = الله يستر علاك بستره الضافي
اذلف لا أرنّك على راسك بماصوره = اضربك بالراس حتى حد الاكتافي
وان شتك شوتت بليه إن شاتله كوره = لا شاتها بالهدف رامي وهدافي
وبليه في الملعبه ياكثر جمهوره = عددهم فالملعبه ميات والآفي
ومصور الملعبه ياخذ لهم صوره = وطبولهم لجلجت من ضرب الاكفافي
نرجع على الموتر اللي زاد مقدوره = عندي وعند الرجال اللي تبا تافي
سالم وتسلم من دعوى فيك ماسوره = ماسورةٍ فيك بوسارٍ على قافي

لاهنت يابن رووق والله يرحم جميع موتى المسلمين ويطول بعمرك ووالديك ..شاكر مرورك الكريم

..

رحم الله موتى المسلمين . والله يطيل بعمرك ووالديك على طاعته يابو منيف

وان شاء الله ستجد كل مايسرّك :) شاكر لك يالذيب

..

صح بدنك يافهد ..ونعم بحالك يالذيب والله يرحم جميع موتى المسلمين ويطيل بعمرك ووالديك على طاعته شاكر مرورك الرائع

..