الـجبــرتــي (مــعـــزب) والـعــــازمـــــــي (ضيف) !!!!
 

السلام عليكم ورحمة وبركاته


هذه المحاورة وجدتها في احدى المواقع وبصراحه انا ماني مصدق ان (قيس العازمي) طرف فيها

لن حسب مااسمع ان قيس العازمي توفي من فتره طويله جدا !!

والمحاوره معناها (((الجبرتي (معزب) والعازمي (ضيف) والجبرتي يعتذر من العازمي ان المطاعم مقفله وانه لايستطيع اكرامه)))

ومثل ماحنا عارفين قيس العازمي عاش في زمان ماكان فيه (مطاعم)!!!!

والي حيرني اكثر الشاعر المقابل شاعر متمكن جدا وبقوة قيس العازمي

اليكم المحاوره

مــحـــمـــد الــجــبــرتــي

يامرحبا ياضيفنا اللـي جيتنـا بعـد الفطـور

واهل البلد صكت مطاعمهـا يامكفـي البـلا

الله كريم الوجه يامر باليسـر دون العسـور

وان كان طشت مـن يليمهـا يامكفـي البـلا

قــــيــــس الـعــتــيــبــي

ابك البقا يالشاعر اللي من قديمات العصـور

عينك تحـب اللـي يلايمهـا يامكفـي البـلا

تبـا تعـذر يامحمـد ميـر منتـه بمعـذور

ارزاق ربـي منـت معدمهـا يامكفـي البـلا

مــحـــمـــد الــجــبــرتــي

ان كان تاكل تمر حنـا مانبـا لتمـر سـور

اشرب من الطاسه وسلمهـا يامكفـي البـلا

وارزاق ربـي للعـرب فالبـر ولا فالبحـور

امـحلله وانتـه تحرمهـا يامكفـي الـبـلا

قــــيــــس الـعــتــيــبــي

التمر مانشريـه للافـي ولا نشـر الطيـور

شـوارب اللافـي ندسمهـا يامكفـي البـلا

ان طعتني يابن شريّـف لا تلـف ولا تـدور

سنـع ذبيحتنـا وقدمهـا يامكـفـي الـبـلا

مــحـــمـــد الــجــبــرتــي

حنا ليا سمنا الحطب فالسوق ما سمنا القـدور

واهل الغنـم محـدن يكلمهـا يامكفـي البـلا

وضيوف مع درب السنع وضيوف حفارة قبور

لسناتها اطول من براطمهـا يامكفـي البـلا

قــــيــــس الـعــتــيــبــي

ياشاعر سليم انتبه واحـذر ودمـك لا يفـور

ملـزوم بالضيفـان تكرمهـا يامكفـي البـلا

نبن البيوت العامره ماهي كما شهب الخـدور

كـم نـاس قدامـك نعلمهـا يامكفـي البـلا

سلمت يمينك لاهنت على النقل

,,




لا هنت على النقل الجميل,,,

الجبرتي لم يلعب نهائيا مع شاعر اسمه قيس ..

وانا على اطلاع بمحاورات الجبرتي رحمهم الله جميعا

تاكد !!!!!!

فيه شاعر مشهور اسمه قيس العازمي صحيح

الشكر لكل عضو مر من هنا

لكن يااااخوااان مااافيه احد افادني

دائماَ المحاورات بين البدو والحضر مع المسعودي
مثل قوله
ياحضر بالله فارقون ياوسيعين البطون = ذباحة اللي ماعرفنا نقصها من زودها
فرد المسعودي
يابدو ..... اختينكم ترضون والا تزعلون = الناس تعطي ضيفها يابدو من ما جودها
ومثل قول المسعودي
يابدو ياللي عن عشاكم ما تغسلون القدور = اطيبكم الغشاش مير انحاش ياحوت البحر
ومثل قوله
سـلام رده مـن رجــال الـبـدو والبـيـت الشـعـر
لاهــل البـيـوت الـلـي عليـهـا مقفـلـه بيبـانـهـا
نشرب حليب ام الحليب اللي تفلى في الشجر
ماهـو حلـيـب اطـفـال مـاتـدرون عــن حيوانـهـا





المسعودي




يامرحبـا وبيوتنـا يابـدو بسمنـت وحـجـر
ومثبـتـه مــع بابـهـا يأتـونـهـا ضيفـانـهـا
ياراع شاة البدو لوتطعم لبن شاة البحر
اللي على الماعون صورة قرنها ووذانها
انا الاحظ ان هذه المحاورة تشبه لمحاورات الجبرتي والمسعودي والله اعلم