مرحبا ترحيب غالي ومن زايد غلاه=مانقوله غير لاطلق شنب يستاهله
يابو تركي تحسب ان الزمن دايم حياه= اعرف ان الموت ياصلك ولا تاصله

البقا والطيب مثلك مايستغرب علاه= قول صادق ياعميلي ماهيب امجامله
منك وامثالك لك الله مادورلي نجاه= والاجل مااحدٍ يجيبه ولااحدٍ يجله

شفت لي موقف خطير ويشد الانتباه =البحر جا فيه زلزال واغرق ساحله
لاتقوله وانت ذلحين جاهز للذكاه =والقديمي فوق حلقك حديده قاتله

البحر ماهمه الي غرف من حيد ماه =لاتحملنا ذنوب العباد الجاهله
لو ماني خايف ازعلك واسبب وحاه =والله انك تاتشوف النجوم القايله

دايم اسمع لي مثل معتبر نصه هذاه= (الضرايا ماتعرقل طريق القافله )
تدري ان الحر يرهي ليا حصل عشاه= ماتنجيك الحيل ياالشجيع الهايله

وشتبا بالهامل الي يدوخنا رغاه= لا تنوخ للحمل غار حرً شايله
عندنا للحر مسباق لن مالله هداه = يحسن المنطوق ولا يجيب الفايله