الهيـــــــــــــلا *** منتدى قبيلة عتيبة - محاوره نــاريـــه .. مستور العصيمي .. وشاعر خنذف محمد السناني

محاوره ناريه .. لا استطيع تقديمها

لأنها تقدم نفسها

مستور العصيمي
يا سلام الله سلام احلى من البرحيه ... من نخيل اهل المدينه و النخيل الثاني
يا السناني يا صحيب الساده الصوفيه ... ليتهم يوم انشدوني كان اقول سناني

محمد السناني
مرحبا ترحيبن احلى من لبن منقيه ... ساسها معروف من منقية الشيباني
يا العصيمي يا عميل الروس والشيعيه ... لا توهقني على وضعك يزل لساني

مستور العصيمي
لا تسوي حسنتن وتحط معها سيه ... لاجل لا دورتني يا صاحبي تلقاني
شرهة التاجر على الدولار و الروبيه ... يشتري ويبيع فأمريكا وفاليوناني

محمد السناني
لا تواخذني لا جات اللمسه الفنيه ... الشباب مولعه في شيبة الرحماني
التجار اليا عطوك الشور والحريه .. يصرف الدولار فأمريكا وفالياباني

مستور العصيمي
خلها عقب رمضان وعقب عيد ضحيه .... عندكم وش يفرق المسلم عن النصراني
الشباب عقولهم يا صاحبي عاريه ... ما عقلها غير شايب و انشد الشيباني

محمد السناني
نفرقه بسلومنا و احكامنا الشرعيه .. و انت فيك خلاف من برا ومن دخلاني
لا تغش المجتمع بأفكارك الرجعيه ... خلها ما بين ابن عتقان و الزهراني

مستور العصيمي
لو تبيع وتشتري بالبورصه الدوليه ... منت جايب خير للريض وللعجلاني
يا محمد يا محمد لو صبرت شويه ... كان اخير من علومن ما لها برهاني

محمد السناني
خاتمن سحري جديد وجوهره سحريه .. مير ما يمكن تعيض بخاتم سليماني
اعتبرني ما كشفت اخبارك السريه ... مير اقول الله يعافيكم ولا يبلاني

مستور العصيمي
والله اني ما كشفت الحاجه المخفيه ... انت اللي سابحن في عالم النسياني
العرب قالوا محمد ريس الماليه ... واصبح الريس يبيع اللولو والمرجاني

محمد السناني
وضع الانسي لو رضع له مع ولد جنيه .. كل ابوهم يشتكون الظلم والحرماني
اعطهم موعد على الجمعيه الخيريه .. و افتح البيبان ولا قفل البيباني

مستور العصيمي
الرساله فالبريد حروفها مقريه .. قبل لا تكتب كتابك وضح العنواني
السماء هذا سمانا وارضنا مرضيه ... و البعير بعير ابويا والحصان حصاني

محمد السناني
شي ما يخفى على الرعيان والرعيه ... وانت وش دخلك بين النار والدخاني
السماء ما تاصله وام القرى محميه ... ما لك الا غير ما خلوا لك الجداني

مستور العصيمي
وش بقالك من خبر بالنشره الجويه ... خير ولا شر والله يرحم الانساني