ما كل حب يدهل القلب سكان=بعض الغلا ليمن خذ أيام راحي
يروح ما كنه تصور ولا كان=ويمحاه من لوعات الأيام ماحي
والله لو الحب يشرى بالأثمان=لأشريه من خبل واحطه بصاحي
خل التغلي عنك يا مطرق البان=هواك طارت به هبوب الرياحي
والله لو تلبس عقود ومرجان=وتغضي بعين كن فيها الرماحي
اني عليك ابعد من النجم لا بان=أو برق صيف في دجى الليل لاحي
وانكفت أنا يا صاح عن كل ما كان=واليأس في بعض النواحي فلاحي
جربت أنا والتجربة خير برهان=وان عدت فيما عفت ذبحي مباحي