الهيـــــــــــــلا *** منتدى قبيلة عتيبة - يستاهل متعب ابن نادر ابن ملحاق المرشدي الشيباني

السلام عليكم ورحمة الله وبركاته

هذه القصيدة للشاعر الكبير / بندر بن تركي الشيباني

قالها في العميد / متعب بن نادر بن ملحاق المرشدي الشيباني

واتركم مع القصيده :

مني لبـو وايـل تحيـة ومقـدرة=وشكراً وعرفانـاً لـراع الجمائـل
لازم تحيـات الوفـاء ياصلـنـة=لو حال من دونة من البعـد حائـل
من يعمل المعـروف يلقـا بدالـة=ويبقى دوام الدهر ماهـوب زائـل
ولاهو غريب ليـا فعـل عادتلـة=الطيب من عـادة عيـال الحمائـل
والله لسوق النعـم يمـة واقولـة=ولاخيـر فـي قـولاً بليـا دلائـل
يضحك اليا جيتة ويبدي لك الرضى=ويقول قول ان حس منتـة يقائـل
ان شاف عن حاجتك شين يحـدك=يسـال ماكنـك بناصيـة سـائـل
ويقـول لاتكبـر ببالـك همومـك=ان راد رب البيت صـارة سهائـل
وزاح الحمول الراسيـات الثقيلـة=وازاح همن كان في الصدر جائـل
هذاه ابو وايـل وهـذي صفاتـة=متعب يعد مـن الرجـال الاوائـل
ماقط قـال فـلان جانـي لحاجـة=اذا قضى الحاجات ماهـوب قائـل
لكن انا ما انكـر فعولـة واعدهـا=واعلن له البيضا على كـل طائـل
ماني بمن ينكـر معاريـف قومـة=الـى قضـو دعـواه قفـا يفائـل
ماكن له حاجـة مهمـة قضوهـا=ويقول انا ماحتاج واف الخصائـل
لاتنتظر شكـراً منـة كـود نمـة=يشيل من عنـدك وياتيـك شائـل
هذي صفات اهل النمايـم وفعلهـم=ادعو عساهـم قلـة فـي القبائـل
وانا ما اخص احداً معين من العرب=اخص من هو فية بعض الخصائـل
وصلاة ربي عد ما ذعـذع الهـوا=على رسولاً جـاب كـل الفضائـل
على رسولاً وضح الديـن والهـدا=واخرس قريش اللي تعمل الهوائل

وسلامتكم