يامستور العصيمي يا مدير البنك هات قروش = مدير البنك ماتعطي قروش اجل وش الحيلة
طرحنا راعي العمة وباقي راعي الدنبوش = نبى نقضى علاه ان كان اشاء الله هاذي الليلة

ولا ياحبيب الليلة وصلك من الجنوب الطروش = ترا ما عاد يبقى غير تكبيرة وتهليلة
لقينا راعي العمة يسولف عند أبو طربوش = ولو انك حضرته كان علمتك تماثيله

عسى ربي يحيهم بساط المكرمة مفروش = وحنا غار وجه ترانا ما نصلي له
سنون الذيب صعب اطيح لو اطق بالشاكوش = لاكن الحصني الازهر ليا شافه ركز ذيله

ياراع المال لا يغدي علاك المال صك الحوش = ليا منى حضرنا الكيف ناخذ من فناجيله
ترا سود الليالي يالعتيبي تبدي المخشوش = ودرب الذيب بيّن يا حبيب من مداهيله

بلشنا بالبضايع والبضايع بعضها مغشوش = ورجلٍ ما يسويها عسى الله ما يسوي إله
ابو زيد الهلالي زارنا يمشي وراه جيوش = ولولا طيب راسه كان ما تركض لنا خيله

انا خابرك في بعض المواقف تعتزي وتهوش = وفي بعض المواقف تنكب الكيلة على الكيلة
الا يالعازمي لا تحسب الايام لعب إكبوش = وبـعض الناس يا رجال في عقله يودي إله

لا تظلم حظك الي باقيٍ من شوشته عرموش = يا ليتك شمت عن هاذي وعن هاذيك تحويلة
دجاجة صاحب المصنع فقّيه بيضها مفقوش = وباقي البيض جعله عقب والمشوار يصحي له

كلام قوي ولكن من يظهر معناه من بطون هؤلاء العمالقه؟؟؟


لاهنت يا وافي