ياطارشٍ عندنا من فوق عرماسي=نصه جنابٍ بني عمي يحلونه
ابقوم يوم النواصي قب الافراسي=حرابهم من عياهم تسهر عيونه
وصل خطابي معك لإطوال الانفاسي=عطهم كتابي ووضح كل مضمونه
لأهل الظفر والكرم لباسة الطاسي=لازرفل الجيش قومي تنثني دونه
سلامٍ احلى من السكر والادباسي=وأحلى من الدَرّ من ناسٍ يحلبونه
البارحة ساهرة والبال محتاسي=من كلمةٍ من قطيرٍ غير موزونة
شخصٍ عزمناه مثل الناس لاباسي=سلم العرب .. جارهم دايم يعزمونه
قلنا تفضل على بن وتوناسي=ميسورنا جاهزاً لازم تذوقونه
عند المناعير بالمقهاه جلاسي=البن الاشقر مع العودة يسوقونه
لد السنافي وقال العجز فلاسي=النفس ماتشتهي زادٍ يسوونه
حطيتني في بروج الخوف والياسي=وانا بعز الشباب وغاية فنونه
ياعويض القرم .. لايخطي على الناسي=ترى وساع المعرفة مايعذرونه
احب اذكرك كانك غافل وناسي=لولا المرة كان وضع الرجل وشلونه
لو يعزمك عايش وعاضه وهباسي=الزاد بيض الصبايا اللي يسوونه
حنا شموع المنازل وقت الادماسي=اللي نصافيه منكم نسعد عيونه
والله خلقنا عذاب اطوال الانفاسي=قيس الملوح ورانا باح مكنونه
لاشك ياخوي عندي ذوق واحساسي=احفظ لساني عن الزلات واصونه
مااطاوع النفس ترميني بالاوهاسي=امشي مع الحق والخطوات موزونة
نحشم قطيرٍ مصدق فيه الانجاسي=نرفع مقامه عن انذالٍ يسبونه
الطيب الصافي اللي يرفع الراسي=ماشوف مثله ولاعندي حدٍ لونه
حبي لراع الجميلة ماله قياسي=ماانساه لين الكفن فوقي يلفونه
هالة البقمي=
من لابة(ن) قومها ما هم بجلاسي=قبايل(ن) صيتها تحميه و تصونه
الاد مالك عصب كفي و نوماسي=اهل الجمايل مدام الارض مكيونة
نسوق جزل الشعر و يروّح عماسي=لأهل التواريخ يوم الناس مشحونة
جمع البقوم الذي للطيب مقياسي=انفوسهم طيبة و الهم يجلونه
يا طيبهم للخوي يوم الدهر قاسي=في ماقف(ن) عندهم يالله يا هونه
وقت الصمايل عمى العيّال والخاسي=و وقت الفعايل لهم وقعات مصيونة
عدوهم ما يجيه ارقاد و نعاسي =ماضِيّهم كل خلق الله يعرفونه
تاريخهم ينعرف بالرمح و الطاسي=حتى المكاتب بـ غال ِ المال يشرونه
كل القبايل لها طالة و نوماسي=و العز في سلمهم ماهم يخلونه
رقم البقوم العريبة ظني اقياسي=ظني و كل البشر مثلي يظنونه
حامد المالكي=
البارحة ما غفى الطرفين بنعاسي = من دهشتي ما عرفت النوم وشلونه
يا غازي القرم يا عزي ونوماسي = يا فرحة الي ندب غازي يبا عونه
استاذنك بنقش ابياتاً بقرطاسي = للطيب اللي يشوق الروح ملحونه
حامد عريب النسب قطاع الارماسي = جعل المقصر وابو وجهين يفدونه
يا مرحبا بالنبا اللي يرفع الراسي = الاد مالك على غازي يكزونه
يا مرحبا عد نوً فيه رجاسي = على الثراء من الثرياء تمطر مزونه
برقه يشوق النظر ويهيض الناسي = كل البشر تلتفت يمه يخيلونه
يا مرحبا هيل دون حساب واقياسي = باللابة اللي تحفظ المجد وتصونه
الاد مالك لهم بالمجد مرواسي = تربعو فوق عرش المجد وحصونه
هالة البقمي=