الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى ارشيف المحاورات المباشره والمميزه) (http://www.otaibah.net/m/forumdisplay.php?f=96)
-   -   سلطان الجذع + مشاري الكرشمي .....(مباشره) (http://www.otaibah.net/m/showthread.php?t=99525)

حاكم الغنامي 20-Oct-2009 07:26 PM

سلطان الجذع + مشاري الكرشمي .....(مباشره)
 
سلطان الجذع


هـلا يامرحبـا ترحيبـةٍ يتعـب لهـا التفكـيـر=موردها لابن غازي ومن صـدري مصدرهـا !!
يقولون العرب / فقد / ومصاب / الله يعوض بخير=وانا أقول الطلوح اخبارهـا بلسـان شاعرهـا !!


مشاري الكرشمي



يدوم الك البقا والقاف والمعنى سوات الطير=اليا ماجـودت لاتامـن الطرقـي يطيّرهـا
يقال الظفر منجا والكريم معان وانته سيـر=وجنبها الوعر واليا بركت جهز خناجرهـا


سلطان الجذع



قبل تارد مع الظامي وتغرف من عيون البير=تعيّن فالكسور المبطية واحفظ جبايرهـا !!
ليا منك لقيت مع الشواوي للحمـول بعيـر=نحطك فأول السربة بعد ماكنت فأخرهـا !!


مشاري الكرشمي



قبل لاترسل الفنجال ذوقه والليالي غير=توصيني وانا سهمي بعد قدره مكدرها
تراها لواضيّرها علاكم ماتسمى ضير=انا قدمك لقيت المعرفه تصدح منابرها


سلطان الجذع


انا ماجبت غير اللي معه روس الرجال تحير=لكن لاتاخذ الكلمة على مضمون ظاهرها !!
ترى صورتك في فلم الليالي ماتبـا تكبيـر=نهار أم العبر هلت على شانك عبايرهـا !!


مشاري الكرشمي


غريقه في بحر ولا قليعه مع هوا معصير=عساها كان تفرح صاحبي تعطى بشايرها
اليا دورة تلقى والحقايق تثبت التفسيـر=بعد شفت الغليبه بين حافرها وحافرهـا


سلطان الجذع


على قدرتك جاوبني وهات مع الذهب قصدير=رفيق ولو تقصر ,, زلتك ماني مدورهـا !!
بعد ماجيت راجع ,,راجع حسابك وحث السير=وانا دونك رصاصه محزمي ماني بذاخرها !!

مشاري الكرشمي


اليا قارنتك حجمك مع جبل سنجار صرت صغير =كبن الله خلق فرق الجبال اللي تناظرها
ذنوبك بعد كثرة يلزمك من شانها تكفير =ياويلك لو عرف سر الجنايز في مقابرها


سلطان الجذع


على ذكر الجبال اظن مابه مثل ضلع النير=لو انك ياوسيع العرف تذرعها وتشبرها !!
ليا جت مخطية والله نبحـث لهـا تبريـر=نكرم لحية الرجال واشنابـه نقصرهـا !!


الساعة الآن »02:15 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2021, Jelsoft Enterprises Ltd