مبداي باسم اللي خلقنا ونرجيه = سبحانه المعبود ربٍ رحومي
مما بصدري ياعرب لازم ابديه = بنات فكرٍ كنهن النجومي
جزل المعاني صغتها مع قوافيه = باللابة اللي حبها معي دومي
قم يانديبي دوك خطي بعاليه = مكتوب للهيلا وهات العلومي
ودّه خوالي قلّهم فكرو فيه = من الخالدية للرجال القرومي
برقا وروق العز والطيب تمشيه = وقصيدتي كتبتها للعمومي
فيهم كتبت الشعر باحلى معانيه = لشيوخ عتيبه مقلطين الشحومي
يستاهلون المجد واللي مشو فيه = يالله عسى جمع الحبايب يدومي
ماهو غريب اللي خوالي تسويه = اموالهم ترخص بوقت اللزومي
خوالي اللي فعلهم افتخر فيه = رجالٍ تنادي للعشى كل يومي
يفزّ واحدهم اليا جيت ناصيه = من خلقته متجودٍ بالسلومي
والكل منهم عالياتٍ مراقيه = ومن وجهوله رمحهم مايقومي
حطو مدينة وسط نجد وصحاريه = وطيور السعد قامت عليهم تحومي
والخالدية كل شخصٍ تهنيه = حتى الذي لو بالعصا مايقومي
شيخٍ مريض وجا يشارك عوانيه = تواضعه مايلحقه منه لومي
يالله ياربي اسالك تعافيه = اخص ابن جامع قوي العزومي
الشيخ بن جامع حميده مساعيه = فوق التواضع اشهد انه رحومي
واجب على كل الخلايق تحييه = الشيخ مثله جعل عمره يدومي
يارب من ينوي لهم شر تعميه = وتبعد عن عتيبه جميع الهمومي
وربعي لهم فعلٍ ليا حل طاريه = افز لطاريهم من عز نومي
ربعي بني خالد هل الحكم ماضيه = ابطال يسقون المعادي سمومي
ربعي خطاهم قمة العز تمشيه = دخيل حقٍ يعيش محشومي
الكل منهم منزل العز بانيه = ذرّى ضيوفه عن حرور السمومي
والكل منهم مجلسه دوم محييه = إمفرجين عن القلوب الهمومي
هذا كلامي واوله مثل تاليه = والله يلوم اللي لقولي يلومي