البارحة يوم بعـض الهـرج ضايقنـي=سريت مسرى عزيز(ن)شـاف مايكـره
الغيـض يجتاحنـي والسهـر يؤرقنـي=وإبليس يشرح لي الفكرة ورى الفكـره
مسراي عن شرهة لأصبحـت تلحقنـي=لايضحكون العداء فـي غيبتـي بكـره
وأنـا خطايـا كبـار القـوم تقلقـنـي=وإلا الردي ماأحسب لشوفـه ولاذكـره
أرافـق اللـي علـى الطالـة يرافقنـي=واباالحيـل ماتلـد العيـن فـي مكـره
كم قلت لـك ياكبيـر القلـب صدقنـي=لكـن عييـت ليـن افتـرت المـكـره
وصبري على النار لو تالـع وتحرقنـي=ألذ من شكر ثور(ن) ماوجـب شكـره
يالله طلبتـك وأنـا عبـدك توفقـنـي=لذكرك لاجا الموت بالسكره ورى السكره
ومن سقر في نهـار الحشـر تعتقنـي=في الساعه اللي يشوف المرء مايكـره

المشاركة الأصلية كتبت بواسطة هايل العتيبـــي (المشاركة 842616) يالله طلبتـك وأنـا عبـدك توفقـنـي***لذكرك لاجا الموت بالسكره ورى السكره ومن سقر في نهـار الحشـر تعتقنـي***في الساعه اللي يشوف المرء مايكـره ياسلااام .... صح لسان الشاعر / ابن مشرّع البقمي .. ولاهنت يابو منيف على النقل الطيّب ... .....

المشاركة الأصلية كتبت بواسطة المرعـب (المشاركة 842631) قصيده جزله"" لاهنت يالناقل وصح لسانك يالمنقول

المشاركة الأصلية كتبت بواسطة عبدالله الجـــذع (المشاركة 842745) الله الله قاف جميل وطرق رائع ومضمون اروع صح لسان الشاعر الجميل شبيب البقمي ولاهنت يابو منيف على النقل الرآئع وهذهـ عادتك محبك .,

المشاركة الأصلية كتبت بواسطة محمد العتيبي (المشاركة 842805) بكل تأكيد اختيارك فاخر يجبر القارئ للإعجاب بالقصيده .. صح لسااان الشاعر الرائع / البقمي . قصيده رائعه بكل ما تحمله .. وشكرا لك يافيصل ...