الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى المسابقات الشعرية (http://www.otaibah.net/m/forumdisplay.php?f=90)
-   -   عبدالله السميري في لقاء خاص مع صحيفة الدوادمي (http://www.otaibah.net/m/showthread.php?t=108723)

ܓܨ عبدالله البرقاويܓܨ 27-Apr-2010 07:47 AM

عبدالله السميري في لقاء خاص مع صحيفة الدوادمي
 
خاص _ الدوادمي الشعبية : حوار / مشعل الريمان




الشاعر عبدالله السميري شاعر عفوي لايجيد التصنّع ,,, صريح ,,, صاخب ,,, جريء ,,,
التقينا به في هذا الحوار الذي لايخلو من الإثاره وإليكم تفاصيله.





ـ في البدايه نرحب بك وسعداء بلقائك

وانا سعيد والدوادمي جزء مني وانا جزء منه واهل الدوادمي اخواني واي شي يسعد جماهيري واخواني

انا تشرف فيه وابرك الساعات .


ـ بماذا خرجت من شاعر المليون ؟

خرجت بكل شي وانا اخوك


ـ مثل ؟


خرجت بمحبة الناس وبحثكم عني وافتخر فيها وبنعمه من الله مال وجاه واللهم لك الحمد



ـ عادل إمام خلال مشاركتك في شاعر المليون طالب جمهوره بأن يصوت لك ماذا يعني لك هذا الشيء ؟


يزيدني شرف وفخر عادل إمام فنان من الطراز الأول في العالم العربي ورمز من رموز الفن



ـ يعني تقدّر شخصية عادل إمام ؟

اكيد انا من جمهوره


ـ في مجلة وضوح شبّهوك بالممثّل المصري محمد سعد ( اللمبي ) الا ترى انهم اصابوا بهذا التشبيه ؟

الجمهور هو اللي يقرر بين الوجهين انا وجه ومحمد وجه وانا اتشرف ولا عندي مشكله

ـ تغزلت في مذيعة شاعر المليون ليلى المقبالي بقصيدة على الهواء مباشره . مالهدف إعجاب ولا للفت النظر ؟

بقولك بصراحه أنا كنت بقول قصيده غير اللي انا قلتها وحتى كنت مع محمد خلف المزروعي عليها وهي قصيدة الشعراء

لكن انا غيرتها والقصيده اللي قلتها قديمه قبل خمس سنوات ونازله في ديواني الصوتي شبيه الورد

والبيت مافيه ليلى بس قلتها انا رغبةً في لفت نظر الجمهور ولافيها شي لفت نظر الجمهور مطلوب بالشيء اللي انا اقدره

ولا يؤثّر علي ويشرفني ويشرّف الجمهور .


ـ لماذا غيّرت القصيده اللي اتفقت مع المزرعي عليها ؟


بقولك الحقيقه اللي ماحد يعرفها القصيده كان فيها بيت يقول



سلملي على محمد خلف لاهنت ولاهان=
سـلام الله ورسلـه والديانـات السماويـه



قالي المزروعي البيت اللي فيه اسمي لاتقوله لانه من تواضعه وطيبه مايبيني امدحه

فأنا قلت ان شلت البيت خربت القصيده فا الغيتها كلها واستبدلتها بقصيده غزليه علشان اطرب الجمهور

واسوي عندهم ردة فعل وحبيت ان عمل فلاشات وشي لايجرحني ولايجرح ديني ولارجولتي ولاقبيلتي ولافيها شي .


http://dc11.arabsh.com/i/01398/pg5v8bufjp8b.gif

ـ 90% من أمسياتك حفلات زواج و10% مهرجانات ولاهي مهرجانات مشهورة . ماتعليقك؟

المهرجان بعشرين الف والزواج بخمسة الاف لكن انا افضل الزواج لأن الزواج يستقبلوني الريجيل وعلوماً طيّبه وعوداً ازرق ومفطحات
ومشارك العريس فرحته في احلى ليله في عمره ودعاني واحترمه واحب اشاركة فرحته لكن المهرجان يستقبلني هندي ولا مصري وكاسة شاهي وعموماً
انا مارفض اي دعوه تجيني مهرجان ولا زواج لكن افضل الزواج لأنه احلى ليله في عمر الإنسان
.

ـ ماهي أشهر المهرجانات التي شاركت فيها ؟
شاركت في مهرجان الإردن ومهرجان قطر ووصلني دعوه من كندا ورفضتها .


لماذا رفضتها ؟

قالوا لي الرحلة مدتها 13 ساعه ويبوني البس جنز وبدله ورفضت .

ـ هل تلقيت دعوه من ابناء الأمير سلمان بن عبدالعزيز لإحياء أمسية شعريه ؟

حضرت أمسيه على شرفهم في الإسطوره في الرياض واللي دعاني الإعلامي عبدالله حمير .

http://dc10.arabsh.com/i/01398/12b7chx7k7y6.gif

ـ ماهي علاقتك بالأسد ؟

مدري ! لكن والله سؤال مجنون

ـ من لقبك بأسد الشعر ؟

لقبني بهذا اللقب الإعلامي حسين العامري في شاعر المليون وافتخرت بهذا اللقب مباشرةً بدون ان افكّر في ابعاده

ولا درست سلبيات ولا إيجابياته .


ـ لدرجة أنك سمّيت موقعك اسد 511 ؟

الموقع جايني هديه من طلال العصيمي أهداه لي بهذا المسمّى ويسعدني وبالنسبه لـ 511 رمز افتخر فيه

ولوحة سيارتي ان شاءالله بقلبها 511 وجوالي ان شاء الله بعد .


ـ يعني متعنصر لهذه الدرجه ؟

والله اللي مافيه خير لنفسه وللربعه مافيه خير للبعيد وربعي قبيله عزيزه وعريقه فالجزيره

تفتخر فيها الناس وشلون انا مافتخر فيها .

http://dc10.arabsh.com/i/01398/49wzh2l1r8rr.gif

ـ قال عنك مدغم ابوشيبه انك شبيه معمر القذافي يتكلّم كثير وفعله قليل . ماتعليقك؟

مدغم ابوشيبه رمز من رموز الشعر وهو قصده اي مكان احضره لابد ان اعمل شوشره فيه مثل القذافي

وانا عتبرها اشاده وافتخر فيها .

ـ فيه قصيده وجهتها للشاعر محمد بن الذيب ممكن نعرف قصة هذه القصيده ؟

قصتها إحتكاك بابن الذيب وكتبت القصيده على اسلوبه واقوله هذا اسلوبك وابي اشوف ابن الذيب يستطيع يرد على

اسلوبي ولا مايرد وانا شعرياً ماتحداه .


ــ طيب هل رد ؟

لا والله مارد .


ـ في إحدى اللقاءات التلفزيونية شككت في شاعرية نايف صقر . على أي اساس شككت في شاعرية شاعر كبير كالشاعر نايف صقر ؟

انا عرفت نايف صقر عن طريق المجلات وخلف الكواليس وحاجات مخفيه ماعرفها لكن لما طلع في شاعر المليون بقصيده مكسوره

واللي يكسر ماهو شاعر .

ـ يعني ترى انه ماهو شاعر ؟

لا انا ما اقدر اقول كذا الاّ لماّ اسمع مبرراته لكن الشيء هذا غريب ومافيه شاعر يكسر قصيدته .


ـ انتشر لك مقطع وانت ترقص . الاترى ان تصرفك هذا غير سليم ؟

إذا تصرّفي غير سليم أجل الملك تصرفه غير سليم .

ـ الملك يرقص في محفل وطني وعرضه سعوديه لكن انت ترقص في الشارع ؟

الملك على راسي وعيني يرقص بين شعبه ومحبيه وانا صعلوك من صاعاليك عتيبه ارقص عند محطه ومع جماهيري وبني عمي

وانا اقلد الملك وافتخر اني اقلده .


ـ طيب الملك مارقص مثل رقصك ؟

الرقصه وحده هو يرقص بثوبه وشماغه وانا ارقص بثوبي وشماغي وماتعريت ولا لبست برقع ماعلي عيب في الاسلام ولا في التقاليد


ـ في التقاليد ممكن عليك عيب ؟


التقاليد ماتقول ارقصوا للملك وعبدالله السميري عيب .انا متأكد لو تسأل الملك انت انسان مثل عبدالله السميري قال نعم

من تواضعه وحكمته ولذالك انا انسان مثل الملك عبدالله .


ـ طيب نخرج من هذا الموضوع ؟


اسلم


http://dc08.arabsh.com/i/01398/5oud0pz6doy1.gif

ـ فتحت قسم بعنوان (نقد عبدالله السميري ) في موقعك الرسمي وانتقدت كثيراً من قبل الأعضاء فهناك من رأى انك مغرور وتمدح نفسك كثيراً وهناك من شكك بوجود ( جنيّة شعر ) مع عبدالله السميري وهناك من قال أن ( رجتك زايده ) ماتعليقك على كل ماقالوه ؟

بالنسبه لمدرسة الغرور ابيكم تدلّوني عنها مدري وينها وبالنسبه لجنيّة الشعر إذا فيه جنيه مرسلها ربي لي وموهبتني وتعزّني

مرحبا فيها وبالنسبه للرجّه توي طالع من المرصّص في الميزان مظبوط مافيني رجّه .


ـ قلت ان سلطان الجلاوي يشطح ويمطح على حد تعبيرك وله اعداء .انعتبر ان كلامك هذا نقد لسلطان الجلاوي ؟

اول شي انا قلت انا اللي اشطح وامطح مع القبايل كلهم ولي جمهور مع كل القبايل وسلطان اخو وعزيز وشاعر وانا قلتها مزحه وهي قريبه من الحقيقه لأن المحاوره ضديه تنافسيه مثل الهلال والنصر في جمهور معك وجمهور ضدك انت لماتحضر في قلطه تشوف الجماهير جزئين امّا النظم كلهم سوا ويصفقون للمبدع ويعطون كل ذي حقاّ حقه .


ـ لك تجربة في شعر المحاوره . لماذا لم تستمر ؟

توقفت لما شاركت في شاعر المليون وانا شاعر محاوره علم بعد وبشهادة رشيد الزلامي شهد لي كنت العب مع مستور العصيمي

وقلت



لانيب لامنهي ولا مامور=
انـا سماريـيّـن بــدا دوره



فقال الزلامي البيت هذا ماجابه حتى المسعودي .

وانا ارى ان النظم افضل المحاوره تردّى في خصمك وفي القبيله المنافسه لكن انا لو احصّل محاوره تجمع حبيب العازمي وتركي الميزاني شاركتهم وتحديتهم امام الجمهور ولو ماهم كفو ماتحديتهم .


http://dc02.arabsh.com/i/01398/92kfmsl9tbey.gif

ـ في الختام نشكرك كل الشكر يابوفيحان على رحابة صدرك وعلى السماح لنا بإستضافتك في صحيفة الدوادمي الشعبيه والكلمه الأخيره لك.


شكراً لك شخصياً وشكراً لكم جميعاً وان شاء الله زواجي يكون في الدوادمي .

فهد الزهراني 27-Apr-2010 08:22 AM

ماقصرت على نقلك يالغالي

اما اللقاء فما اعجبني فيه الا قول رشيد الزلامي للسميري ان البيت ماجابه حتى المسعودي هههه

تحياتي لك يابطل

خالد@الدلبحي 27-Apr-2010 08:28 AM

يعطيك العافيه والشاعر هذا بصراحة منتهى خخخخخخخخخخخخ


انتشر لك مقطع وانت ترقص . الاترى ان تصرفك هذا غير سليم ؟

إذا تصرّفي غير سليم أجل الملك تصرفه غير سليم .

ـ الملك يرقص في محفل وطني وعرضه سعوديه لكن انت ترقص في الشارع ؟

الملك على راسي وعيني يرقص بين شعبه ومحبيه وانا صعلوك من صاعاليك عتيبه ارقص عند محطه ومع جماهيري وبني عمي

وانا اقلد الملك وافتخر اني اقلده .

ـ طيب الملك مارقص مثل رقصك ؟

الرقصه وحده هو يرقص بثوبه وشماغه وانا ارقص بثوبي وشماغي وماتعريت ولا لبست برقع ماعلي عيب في الاسلام ولا في التقاليد

خـال ـد 27-Apr-2010 10:04 AM

الشاعر السميري ///////// شاعر اكشن

كل موقع يجيه يجذب الاضواء اليه

باالتوفيق يامبدع

محمد الكرشمي 27-Apr-2010 10:22 AM

يعجبني شعره

((الروقي))ابن فهيد 27-Apr-2010 11:23 AM

جزاك الله خير على النقل والله والنعم با الشاعر

البلجيك 27-Apr-2010 12:04 PM

الزلامي شهد لعبدالله السميري ويقول بيتك ما جابه حتى عبدالله المسعودي!!!!!!!!!!!
شر البريه مايضحك؟؟

هههههههههه,,,,,,,,

بندر سعد ابن صنت 27-Apr-2010 12:24 PM

ابو فيحان
لايهمونك
مايهزك ريح ياجبل
صحيح انك مقلع شوي
بس وش يعني؟
الى متى وحنا على الأرض؟
الناس اقلعو وحطو على القمر وحنا مازلنا على الارض
هههههههههه
من زمااااااااااااااااااااااااااااااااان
والكلاب تنبح والقافله تسير

لذالك:
الى الأمام سر يابو فيحان
ولا يهمونك خلك على عفويتك لو خسرت الكثير اهم شي لاتخسر نفسك


تحياتي لك ولصاحب الموضوع

علي خيران العتيبي 27-Apr-2010 12:27 PM

احلى تحياتي يا السميري
شاعر بالاعلام و خارج الاعلام واحد
يظهر عل سجيته بدون تصنع و تكلف
و شعريا ما يحتاج مبدع ابو فيحان

شكرا للناقل

شوق الصعيبة 27-Apr-2010 03:57 PM

عبدالله بن فيحان السميري العتيبي


قمة في الشعر !! وشاعر مُبدع كما شهدوا له الجمهور وشاطئ الراحة .


ولكن مايعيبه ،،

ان اللي على قلبه بلسانة في زمان النفاق والرياء ،، ودهن السير


ويكفي ان عبدالله اخلاقة امام الكاميرا هي اخلاقة في الشارع وفي المناسبات ،، فهو لايحب التكلف

مُبدع يابو فيحان وردودك جميلة جداً ،، وإن كان فيها شي من الشطحات الحلوة .


الساعة الآن »08:54 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd