أبرك الحزات لاشفت المقاطي في فضيّة = ينشرح صدري واعجّل من على الصفحة أنادي ..!!
قالو انه كاتبٍ في مسابقة ارضٍ خليه = مار انا ماشفت شيٍ كاتبه سقم المعادي ..!!

لا قريت اسمك يجي فالراس طنخه صيرميه = ياعسى قسمك منه وافر .. كما حد الهنادي !!
الرجال اهل الفعل يكفون والذمه بريه = مانبا نقطع نصيب القوم .. واتعب جوادي !!

عادة .. لجدودنا ناقف وتاخذنا الحمية = من زمان اخوان جوزا وابن هندي والفهادي ..!!
الرجال تسد مار انته بيوتك عالمية = مالحقك ابها ولايلحقك شك وانتقادي ..!!

زان من بيني وبينك سوق حلو الشاذليه = اقلطو للكيف قدم الكيف لك عود وقنادي !!
كل رجلً له ميوله .. في صباح وفي عشيه = واما انا شفي .. يابن عمي بوادي غير وادي !!

وزان مابيني وبينك سرد هاذيّه وذيّه = العلوم اللي تسر وتبهج اصدور العبادي ..!!
لاتحكّم واتفلسف .. شفت يازبن الونية = القطامي مايخيّر في اصطياده والهدادي ..!!

( سامح الله من قصدني واعتمدني بالخطيه ) = بيت ابو فيصل واعيده جاء مجاله في بلادي !!
الحرار الشقر : ماترضى حمامتً شجيه = ماتفهم فالحرار الشقر يااحمد نجادي !!

خل عنك اللي تقول وخل عنك العنجهية = ماتقلبها علي ولايجي فيها ارتدادي ..!!
الحرار الشقر من فوقك يابن مكرز عليّه = وانت ماتعرف حرار البيد من جمع الحنادي ..!!