الهيـــــــــــــلا *** منتدى قبيلة عتيبة

الشاعر نقا بن علي العضياني كان يعد اإقامة مشروع تجاري ولكن الأمور اختلفت وارسل هذه الابيات الى الشاعر زاهي الاسلمي حيث قال:

ودي انا أروح مدري وين يازاهي
عذروبي الصدق هذا كل عذروبي

خمسين من عمر عمري وين انا لاهي
الشيب في لحيتي والفقر بجيوبي

العام أقيس الأمور بشبري الراهي
واليوم يادوب دوبي دوب يادوبي

اللي يبي شوف وجهي يشتري جاهي
واللي يبي نصف عمري يقبل ذنوبي

الذكريات القديمه شكلها باهي
تخفي عيوبي ولاهي تستر عيوبي

لو كان دمي ثقيل أثقل من الشاهي
ماكان شفت العذارى تنحني صوبي

الامر لله لاوامر ولاناهي
هذي سيوف الظروف وهذي سلوبي