فلاح القرقاح=
سلام الله على رمز الكرم والعرف والتقدير=طويل الباع كساب الجميل اللي تعرفونه
وهو فيصل و فيصل لاومر جينا نحث السير=لو ايقول اطمروا وسط البحر ماننقصر دونه
محمد السناني=
هلا يامرحبابك عند من شوفه يجيب الخير=مودة سيدي بقلوب كل الشعب مكنونه
انا بنشدك يالقرقاح ويش مبرر التأخير=غريب ان المطوع يختلف نهجه وقانونه
فلاح القرقاح=
عسى ربي يمد اعمار من يسعون لتعمير=ويرحم من بنا المجد القديم وثبت اركونه
انا جالي ضروفً يامحمد تخلف التفكير=وقدرها ولد خالد عسى الرديان يفدونه
محمد السناني=
عسى الله يحفظ اللي كل يوم يزيدنا تطوير=لهم منا الولاء والموقف اللي يستحقونه
ضروفً غامضه لابد مانلقى لها تفسير=على شان المطوع كل خلق الله يحبونه
فلاح القرقاح=
ليا قدرني الراس الكبير اصل الصغير اصغير=ضمنا الاوله والثانيه ماهيب مضمونه
قبل لايكثر الرفع و قبل لايكثر التمرير=عليك الهون فالشوط الاضافي يامرادونه
محمد السناني=
تغامر ياوسيع المعرفه واللي يصير ايصير=ليا فكرت بالقرقاح شفت الشك بعيونه
عليك املاحظه في موقفك ومشدد التحذير=لاكن الوضع هذا يابن ريفه لا تناسونه
فلاح القرقاح=
لنا ماضً يشرفنا ولا شبهه ولا تزوير=لك الله مانقدم سلعةً ماهيب مضمونه
ترى لولا جليل الملك مارفرف جناح الطير=يجيبونه على وضح النقى ولا يودونه
محمد السناني=
عليك الهون لين ان الشيوخ توقع التقرير=عساكم كلكم قد الكلام اللي تقولونه
صحيح ان الامور مدبره من ربنا تدبير=يعقدون العرب في حبلها ولا يحلونه
فلاح القرقاح=
ترى فالناس ناسً يطرحون ابعير لجل ابعير=يدلون الدروب اولا بدا الازم يسدونه
عطيناك المهمه والرشا والدلو فوق البير=ولاكن الشمالي دايمً يمشي على هونه
محمد السناني=
يابن ريفه ليا حدثت كمل واحسن التعبير=ترى فالناس تلقى لك صحاه وناس مجنونه
عليك اوصاف بن غانم وشيً من صفات الزير=( ..... ) بغوا شيً من العالم يجيبونه
فلاح القرقاح=
انا اقول الذهب مهما حصل ماينقلب قصدير=وانا ارسم لك علومً ظاهره واعلوم مدفونه
انا من فضل ربي دين وشاعر و غير و غير=مغاتير النوايا كلها فالصدر مخزونه
محمد السناني=
(( وانا قبلك لقيت البر الاصلي مانقلب شعير=مثل ماتزرعون الزرع يالشاعر تحصدونه )) !!!
عسى ربي يخارج لاتجي من زرمة التكفير=معك شعرً ودين وشي ثاني وش تسمونه
فلاح القرقاح=
انا اضن البروده ياهل ابها جالها تاثير=انا اعرف السناني لاتضايق غير لحونه
تراني من عيال العود لا عاشوا هل التفجير=وعيال العود يوفون الوطنهم مايخونونه
محمد السناني=
ابن ريفه ولد نشمي محنك يقبل التغيير=تناسبه البروده والحراره فيه مصيونه

المشاركة الأصلية كتبت بواسطة ماجد العصيمي (المشاركة 1304284) يالعبد بيت فلاح سليم مافيه شي اما بيت السناني اذا كان حسب المكتوب فهو مكسور

المشاركة الأصلية كتبت بواسطة ماجد العصيمي (المشاركة 1304292) الموضوع مفتوح للنقاش واي رد ينزله العضو يكون مطروح للنقاش فهمت يا عبد

المشاركة الأصلية كتبت بواسطة مجري الهياب (المشاركة 1304288) يالربع تابعوا المقطع وشوفوا لاتقولون اذا كان قايله انتم شغلوا المقطع واسمعوا بذانيكم قايل شعير لا مشدده ولا مايحزنون ورد فلاح القرقاح خير شاااهد