سلام تسليم الوفاء يارياجيل=من بعدها ببدأ بسوق الفناجيل
لطامة العايل وذباحة الحيل=ربعي عتيبه فالمواقف شديده
ياكم خصمن فاللقاء مانشوفه=وليا نظرنا فيه والله نعوفه
مايحتمل ضربه يفرك كفوفه=يارب سترك فالليال الجديده
ابمدح العتبان والراس طايل=أهل الفعول المرفقه بالدلايل
واحد رجل منهم يساوي قبايل=أن جيت أشبهم سوات الحديده
أهل الكرم والبيت شامخ وثابت=يوم الفعايل كم جابت وجابت
ماتعرف الذله ولاقط خابت=سوات سور الصين والله عنيده
ان جيت أعدد فالرجال المشاهير=أهل القنا وأهل السيوف البواتير
يكفيك تركي والعطاوي بعد غير=أفعالهم ياناس والله عديده
ربعي هل الطاله على كل مرقاب=شرابت الدمان قطاعة أرقاب
مثل الجبال الثابته شيبن وشاب=ناسن على العليا وناسن فريده
أيام مزلب ثم هندي ومستور=مطردين القوم من عدة عصور
أقولها ونا من آلاد حبتور=وهاذي نهاية بيت كل القصيده