يافلاح الواهبي في منتدى الهيلا عتيبه=مرحبا ترحيب وافي بالقصيد وبالمعاني !!!
انت اعرفك شاعرٍ بطران ماترضى الغليبه=بس ماهو معي انا يمكن لياصادفت ثاني !!!

البقا بك يالمرحب بعد طولت المغيبة=من بعد ماجيت فاح الطيب في كل المكاني
المواجه مع فلاح الواهبي لحضة صعيبة=مير صوت للحجاز ونجد ورجال المحاني

دكت البيدا تحت رجلك ومرتك النجيبه=وسمها غبن الكبود وساسها صحة لساني !!!
لاتسميها صعيبة سمها لحظة غريبه= لن قدرت تحرك طويق المسمى ياشهراني !!!

زلزلت من تحتك البيدا وخمتك المصيبة=والسبب من بندقي والفارس اللي في الحصاني
النجم لا طاح فوق الضلع يصنعلك نصيبه=وانته مخير مابين الموت وانزال الاذاني