وش عاد ابسوي
 

وش عاد ابسوي وانا بين ثنتين=وحده تجي فالوجه عيب وفشيله
والثانيه فالحيّه افطن لها زين=وان جات ماتمحى سنينٍ طويله
ماني مكذب عقب ماشفت بالعينن=الرجل صندوقٍ مقفّل حصيله
ومادام ماش فروق بين الأمريّين =حيل الله أقوى يازبون الكحيله
والصبر غيبه زين عند الكريمين= ومن لاصبر ياصاحبي عزتيله
قال المثل في سابق الوقت والحين=الصبر مفتاح الفرج والجميله
والصمت حكمه ثابته فالصيحين=يعطيك هيبه كان قلبك دليله
وكثر الحكي مافيه غايه وتثمين=لاتحسبنّ الطيب بااهون وسيله
انا مجرب والتجارب براهين=امّا تحط الحمل والاّ تشيله


كلمات شاعر القصر/عبدالواحد بن شمروخ بن ثعلي

صح السان الشاعر ولا هنت على النقل .