انا بقلط مع العتبان و اشرب دلة الرسلان=واباعطي علم و اخذ علم والقمرا نصاحبها
رياح الشرق مابانت ولابرق الحيا قد بان=عسى ربي يسوق اسيول من عالي شعايبها

هلا يا مرحبا مليار يا شاعر بني قحطان = وهات العلم والهزله حذاري لا تجينا ابها
تبون الخير لديركم تبون تربع الاوطان =لكن الشعب ثلثه فالبلد بالحيل مخربها

تدوم المعرفه والخير ما يشرى من العميان=نعرف الخير و أهل الخير تعرف قدر شايبها
سحابت صيف هلت والمطر ياصاحبي هتان=حذاري لاتجيني بالفشل فزعات صاحبها

توقع لاتفقع ثم اصكك داخل الميدان = تعزا فيك قحطان العزيزه من سبايبها
يابن قحطان سر الليل سره واحكم القيفان = ترا فيك الظنون كبار بله لا تخيبها

تيقفالك من الاموات ياكم يدفن الدفان=فتلنا والبيوت اللي قبالك ما نصعبها
كبير(ن) في عيون اكبار لكن الزمان اللوان=ولانتعب نفوس(ن)دونها ماهي تتعبها

تقوله بعد ماصرنا تحت حكم السعود اخوان = قبل حكم السعودي لقمتك فالحلق ننشبها
انا بنشدك يومنك مسوي نفسك كحيلان = وراك تكب نجد العام وتخلي هبايبها