البر والربيع
 

بمناسبة الربيع الذي يمر علينها في هذه الايام أخترت لكم هذه القصيده الجميلة

[poet font="Times New Roman,4,white,normal,normal" bkcolor="black" bkimage="" border="none,4,silver" type=0 line=200% align=center use=ex length=0 char="" num="0,black" filter=" glow(color=red,strength=2)"]
أبرك من الدش وقنوت الأفساد=وصدقان الانترنت دشير القهاوي
ومتابعة غزو اليهود أهل الالحاد=سجة نفس في طعس بر خلاوي
تالي عصير يهب نسناسه براد=والشمس يحجبها السحاب السماوي
واخيل في جو السما كل رعاد=واشوف سيله شق وادي نحاوي
تغسل ثيابي بالمطر لو هي جداد=بلة ثيابي بلمطر كم تساوي؟
وفي الليل اشب الضو كرامات الاجواد=نصف الكرامه في الزمان السناوي
معمالنا دّله ونجر وبراد=وقربة قراح ما اختلط بالكيماوي
وجمر الغضا بين المعاميل وقاد=والعود الازرق ماهو بعود جاوي
كيف النشاما بن وهيل وقناد=ومطعومنا التمر الخلاص الحساوي
ونرقد على الروض الخضر كنه سجاد=روض مابين الدبدبة والصداوي
وفي الصبح ذكر الله هذا شي معتاد=سبحان من بالعبد يرحم وياوي
والشمس في عرض السما صبح تنقاد=شعاعها عقب المخيلة يداوي
وبيت الشعر يبني على طنب وعماد=يبنيه شبل بالمراجل حراوي
والارض بالخيرات تطغا وتزداد=وصيدك يجيك به السلق والنداوي
والا انقل البلجيك والحظ بزناد=بعض الحظوظ توصلك للمناوي
وترعى عطايا الله بلا خرج وشداد=حليبها يروي الكبود الضماوي
لو تجلس اسبوع من الشرب والزاد=يكفيك در اللي غدت بالعطاوي
في خوة اللي تجلي الهم لا عاد=عيال المصايب مخلفين الهقاوي
ما بينهم فاسد وناقص ومراد=اللي يدور للدروب الملاوي
حديثهم ما بين صفحات الامجاد=ومراجعة كتب السير والفتاوي
ونهرب من الواقع جماعات وافراد=من قتنة أهل العولمة والبلاوي
وتغيب عن وجه بغيض وكداد=ونقابل الوجه الطليق النقاوي
انا افرح برفقة عريبين الاجواد=مثل المنيع ورفقته للخلاوي
حلحيل لا يحدا ولاهو بينقاد=ما هو باسير مولعات الهواوي
خوة كفو.سجة نفس.طعس وبراد=والا تبي انترنت ودش القهاوي

الشاعر : سعيد علي الفهري

[/poet]

والمعذره لو حصل خطا

الجربوعي

بيض الله وجهك والله انك صادق؟؟؟؟؟