الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   الشعر الشعبي (http://www.otaibah.net/m/forumdisplay.php?f=9)
-   -   ( المعجزه ) هي قصيدة الشاعر الكبير : عبدالله بن زويبن الحربي ... (http://www.otaibah.net/m/showthread.php?t=76031)

بدرالهبيري 11-Aug-2008 01:11 PM

( المعجزه ) هي قصيدة الشاعر الكبير : عبدالله بن زويبن الحربي ...
 
السلام عليكم ورحمة الله وبركاته ..


الشاعر عبدالله بن زويبن المعمري شاعر علم ويعتبر
من عمالقة الشعر واعني عمالقه بكل معنى الكلمه
له من القصائد مايبهر المستمع والقارئ ..
شاعر جمع بين جيلين يجيد فن التصوير والوصف
كما يجيد جميع اغراض الشعر وطرقها بكل تمكن ..


اطلقت على قصيدته هذه اسم ( المعجزه ) لااعلم هل
ستروق له هذه التسميه ام لا ..
على كل حال .. اترككم معها ..






سمعت لي كلمة(ن) مدري ويش أقصاها =حزّت بصدري وأنا ماني بهارجها
لو كل كلمة اليا جتنا طردناها =بعنا الثمينة بسعر ما يخارجها
لو مرت السمع ما كنا سمعناها =ونقفّل الراس عنها لا يبرمجها
ومن يم هذا لهذا ما نقلناها =والناس واجد وتلقى من يروجها
من جابها بين خلق الله ووداها =لو به مراجل ترى نفسه يسمجها
من عامل الناس في سابق خطاياها =يقعد بدار(ن) خلا ما داج دايجها
في كنّة(ن) تشوي الجربوع رمضاها =تيبس غصون الشجر من حر واهجها
والناس بالحق حكم الشيخ ما ارضاها =ما ترضي الناس لو إنك تحججها
يا اللي تبا الطيبه خذها وعطناها =وخل الطريفه طرية لا تثلجها
واقضب طريق الاوادم وامش ممشاها =اتبع دروب العرب وادرج مدارجها
وارسم لنفسك حدود ولا تعداها =من حط نفسه بدرب الضيق يحرجها
وإن كان نفسك هواها قام ينحاها =حط الاعنّة برووس الخيل واسرجها
وفكّر بمنكافها قدام مغزاها =واضرب حساباتها وتشوف ناتجها
وكل(ن) بعضده يموح الدلو برشاها =وتلقى كبود الضوامي من يبرهجها
وإن كان توْك على صدرك تهجاها =حنا ترانا ندرس في مناهجها
من يم مصباحها نبعد معشاها =اليا قعد راعي الضلع يدرجّها
لو هي صعيبه اليا انعاجت عدلناها =واللي تجي مستقيمه ما نعروجها
نهتم في وزنها وابرام معناها =ومن الكرستال واللولو نتوجها
مثل الجواهر ليا منا نضمناها =وسلوكها من جديد الزري ننسجها
مخايل(ن) ترتدم والصدر منشاها =إن دك بالبال داكوك(ن) يهيجها
واليا امطرت ضاقت الوديان في ماها =تاخذ اليا الحول ما يبست مدالجها
ان صدت الناس عنا ما اعترضناها =ما تقفي الناس عنا ونتولجها
وان جاتنا الطيبه بالطيب زدناها =الطيبه بالعسل والسمن نمزجها
وان جاتنا الثانية نصبر ونرفاها =يمكن اليا فاق راعيها يعالجها
وإن عادها عودة(ن) ما عاد ينساها =من حربة(ن) في صميم الصدر نولجها
مسمومة(ن) يبلش الدكتور بدواها =ما يقنع العيْ لين انه يلامجها





اخيرا ً ..
أتمنى أن هذه القصيده نالت على الاعجاب ..

رغم شهرتها احببت طرحها عل وعسى ان يجدها
من يبحث عنها ..

تحياتي وتقديري .. بدرعيد ..

كاسر الحوم 11-Aug-2008 02:39 PM

صح الله لسان الشاعر

والقصيدة رائعه وفيها

من الحكمه الشي الكثير


بدرالهبيري

تسلم يمناك على طرح

هذا الموضوع

مشتآق ! 11-Aug-2008 04:20 PM

الله على ابن زويبن
قصيده جزله وهو قالها بمسابقة شاعر العرب رااااااااائعه جداً فعلاً تستحق اسم المعجزه
بيض الله وجهك يابوعيد على كتابة القصيده لاهنت يالذيب

/عبد العزيز الجذع/ 11-Aug-2008 07:40 PM

الله الله.

جزلة يالجزل.

صح لسان الشاعر الكبير/ عبدالله بن زويبن.

والف شكر يالغالي على الانتقاء المميز.

تحيتي.

@

النايف 1 11-Aug-2008 10:56 PM

صح لسان عبدالله بن زويبن

وبيض الله وجهك

قصيده بمعنى الكلمه

لاهنت على نقلها

الدعجاني 090 01-Oct-2008 02:25 PM

مسمـومـة(ن) يبـلـش الدكـتـور بـدواهـا
مــا يقـنـع الـعـيْ لـيــن انـــه يلامـجـهـا


يعطيك العافيه على القصيده الرائعه تقبل مروري

عبد العزيز العضيــاني 01-Oct-2008 02:44 PM

عبدالله شاعر لايستغرب عليه الابداع


من فحول الشعراء


الساعة الآن »03:46 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd