| ابودريع |
24-Sep-2011 11:21 PM |
قبلان ابوصقيعه الرويس و ابودريع؟ هل قد سمعت به ؟
بسم الله الرحمن الرحيم ::
بادء ذي بدء ان قبيلة عتيبه من القبائل العزيزه علينا يالعرافا من بني خالد ، وحنا وياهم اخوان من مبطي من حدرت عتيبه على نجد ، ولهم سوالف وعلوم تنومس مع جماعتنا ، ومن الذين اسمعه عنهم مع الجماعه والشيبان شخصيه اشتهرت بالكرم والطيب وهو قبلان ابو صقيعه الرويس ، كان من كرماء ربعه وكان شجاعاً يحترمونه ربعه ، وكان كريم جداً ويذبح ما جاء في يديه وكانوا جماعته يعطونه من حلالهم ويكرمونه ، وكان بعافيه وحلاله واجد وهو صحيب لسعد ابودريع العريفي الجبري الخالدي ، ولقد كان ابو دريع صديقه الشخصي وصحيبً له بالحيل ويحشمه ويقدره وابودريع من جنسه كريم ولبو صقيعه ابيات في مدح ابودريع ، وقبلان اسم زوجته (رعيفه) كان حرمه مهيب بسيطه كريمه وذربه وكانت معاونه لقبلان على الضيوف وتحثه على اكرامهم ، قبلان ما جاله صيب وانقطع ونشدت عنه بعض الروسان ولا عرفوه هل احدكم ياعتيبه يفيدني عنه ؟ وعن سوالفه ومن اقرب الناس له طبعاً هو قد توفى من 100 سنه تقريباً رحمه الله
|
