فزعة اللواء/كتاب العتيبي للشمامره
 

هذه القصه صارة قبل شهر بالرياض عندما ذهب ثلاثه من الشمامره الى الرياض بحثاً عن مستشفى يستقبل اخيهم المصاب بجلطه وضاقت بهم السبل ومكثوا اسابيع يبحثون ويطلبون المسئولين ولاكن لافائده واخر حل عندم انهم ذهبوا الى اللواء /كتاب العتيبي في مكتبه ومنعهم الخفير الي على البوابه وقال لهم ممنوع الدخول وقالو له اننا نريد اللواء لكي نعزمه على عزيمه ودخلوا اليه بطريقتهم وعند دخولهم عليه بمكتبه طلبوه واستفزعوا به وقال لهم ابشروا بالي جيتو به واخبروه باخيهم المريض بمدينة حائل وقال ابشروا واتصل وطلب باخلاء طبي بكوادره الى مدينة حائل .وثارة قريحت احدى اخوانه الشمامره وقال القصيدة:-

أنا أشهد ان الطيب عند اللواء كتــــاب............... طنيختن طبق طناخة عتيبـــــة
اللي عـــن الــزوار ماسكــر البــــــاب.............. والطيبة يعني يجيبة يجيبــــــــة
ليا قلـت تكفى فــز وأعجبني أعجــاب............... فزعة عتيبة في حلول المصيبة
أمــــر وقــــال الشمــري لازم يجـــاب............... بطيـــارة الأخلاء وطــاقم طبيبة
عتيبة ليا من الخطــــر وصـل الأرقــاب............... قبيلتــن بين العــرب ينهقيبـــــة
عتيبة هل الوقفات ينضرب لها حساب.............. الطيب واضح والفخر من نصيبة
عتيبـــة لهــم بعــلا المراقيب مرقـــاب........... ... مرقـــاب طيب وكلنــا نعتزيبــــة
وختامهــا صلوا علــى سيد الأحبــــاب............ . على الرسول المصطفى نهتديبة



قالها الشاعر واخ المريض الذي ذهب للواء/كتاب العتيبي
الشاعر/ مطير بن عطاء الرمالي الشمري

ونعم وشمر يستااااااااااااااااهلون السناعيس



واللواء مشهود له بالعلم الغانم

تسلم اخوي شهاب وهذي ماهي غريبه على ربعنا كلهم

بيض الله وجه كتاب

ويستاهلون الطنايا

وصح لسان الشمري

بيض الله وجه كتاب وراح يلقاها عند ربه


ويستاهلون شمر ( الطنايا )


ولاهنت يابرقاوي تبوك

بيض الله وجهك

تسلمون ولاهنتم ولا نستغني منكم

.
.
.


مشكور برقاوي تبوك ، على النقل والقصيدة اللي

كسبها كتاب العتيبي تنحسب لعتيبة عموم..

لكن يا خوي ليتك ما استعجلت ، القصيدة مليانة بالاغلاط

المطبيعية.
.
.
.
.

بيض الله وجه كتاب وراح يلقاها عند ربه


ويستاهلون شمر ( الطنايا )


ولاهنت يابرقاوي تبوك

بيض الله وجهك