هيض على دعوة بين كيفين=البن والتنباك جوني خصيمين
سار المعاند والجكر بينهم بين=والكل منهم يدعي بالزيادات
قالوا رضيناك استمع كل جابه=ثمر لنا في علمنا والطلابه
واحكم لنا بالحق فك النسابه=قدام مجرود النقا والحرابات
قلت لهم اول باب فالصلح مذكور=والكل منكم يغدي الحال مستور
قدام لاتسمع بكم دور في دور=يفرح عليكم كل حاسد وشمات
هذه نصيحه أنكنتم اهل المعاقيل=وإن كان عييتوا حطوا معاديل
واحكم لكم حكم بعرف وتفصيل=ثم اشرفوا حكمي على جمع الامات
عيوا وكل قال عاصي وقاسي=ماني مصالح ذا ولاني مواسي
من بعد ما سمعوا بنا كل ناسي=ألا بعد قطع المنازع والأفوات
قلت ادعي بالبن واسمع جوابك=أهلا بذا وأمَا انت يا مرحبابك
ون كنت طليبا فرفع ثيابك=الحق يبغا له مصايد وخصمات
قل:أدعي يا قاضي المسلمينا=بسم الله هـ الرحمن واخز اللعينا
أنا ادعي بازود في كل حينا=احسن من التنباك في كل قالات
احسن مته من يوم جد الاوايل=كم واحد مني كسب له جمايل
فنجال يسوا مُلك عند القبايل=ونا كمال الضيف في كل حا لات
احسن من التنباك انا كيف ما كان=في كل بيت لي معارف وصدقان
ونا لخطار المطاليق صفطان=عند الرجال اهل ا لكرم والشجاعات
زايد عن التنباك في كل مجلس ومحضار=أيضا ولي رفعه وحشمه ومقدار
ماني كما اللي وقدوا فوقه النار=دخان والدخان ماله فيادات
ثم ادعى التنباك من قلب فاضي=قال استمع يا من رضيناه قاضي
حكمي على الاشراف والترك ماضي=وحكمي على عربه وباشه وغاوات
وحكمي على اهل الود واهل الغرامه=وحكمي على اللي يشربوني نشاما
كم واحد عينه عليها عساما=من خرمتي راسه يجي فيه موجات
لوني كما لون الذهب في حلا ياه=واصفر معصفر فايت اللون معناه
عجبعجب لمن يوده ويهواه=ونا هوا اهل الود واهل النجارات
واني سواة البن مختلف الاجناس=اللي يحرق في محارق ومحماس
أيضا بعدها ينرضخ جوف مهراس=يطحن وتغدي حالته خس حالات
عود يقول البن زايد هوايه=والله يالتنباك ما انت كمايه
شربي عذي وأما انت شربك غوايه=شربك يعقب فوق الاكباد علات
مافيك لا نفعه ولا فيك سره=ولا انت مثلي بالجمايل مضرا
كم واحد من كيف مثلك تبرا=ولا يبا ريحتك يخس ريحات
انا ان حمسني زيد منقوش الاماس=يعرف لمعناى تدابير وقياس
ماهو عيب لي وذا العلم نوماس=اكسب بها مدحا وقاله وطالات
وليا خلط فوقي قرنفل مع الهيل=يزداد معنايا عن الكيف با لحيل
اقعد صفا طبلة دماغا به الميل=من دلة فيها من الهيل خمرات
ماني كما التنباك ماله فياده=إلا يقع دخان وإلا رماده
مجنون غاوي يدعي بالزياده=ويقول انا حكمي على كل دولات
مايحسب انه شخ من فوقه إبليس=متعوس والله ما يحب المتاعيس
لا واخسارت من تنقل معه كيس=لا واخسارت فيه سلم الريالات
يا عم لا تقبل علىَ شهودع=كم واحد خلاه خاين عهوده
و ورد عليه ان النجس فوق عهوده=والمرضويه اهل امانه وذمات
حكمت لك بالزود ياصليب البن=سلطان من فرعه واعز مسكن
تأخذ عليه الزود برضا وغصبن=وهو يمشي الحال قضيان عازات
هذا قياسي والله هـ اخبر وعلام=ثم اشرفوا حكمي على جمع الاسلام
قولوا لهم بالله عسى فضلكم دام=ذا الحكم ويش فيه من اختلافات
وإن كان يالتنباك معك انقلابه=ما انت اصيل ومن عصور الصحابه
لو كنت طيب كان زدتك طيابه=لكن حجتك الحجج والسؤالات
ون كان تلقالك حكومه عليه=والا سوالف عند اهل معرفيه
لم القبايل ثم نزل عليه=ونا مفرش حلتي للنزولات