سلامي سلامٍ يعزل الماء عن الطين=يصفىّ لمن عد الـروى ماصفالـه
ولاياشبيب أنته مع أي الفريقيـن=مع اللي جنوب الحي وألا شمالـه

هلا من ضميرا يعرف الزين والشين=وطيـب المعانـي مايـدور بدالـه
انا موقفي معروف والكـل داريـن=ولا أضيع الرفقـه وحـق الزمالـه

وضوح الرسايل من وضوح العناوين=يابوصافي العنوان نـص الرسالـه
للا الدمع والابصار وش قيمة العين=لكن أنصتوا وألا أحكمـوا بالعدالـه

انا شايفك بلشان مابين الاثنين=وكل الدعاوي تعتبرها سهالـه
زرعتو حديقه للغنم والبعارين=ومن شافها يختار يقعد لحالـه

وألا ياجماعتنا تراكـم عزيزيـن=شربتوا من الفنجال قبل البيالـه
زرعنا لك الرمان والخوخ والتين=وضيعت مفهوم الوفا والجمالـه

تركم جماعتنا وبالحيل غالين=ومشروبنا بالطيب في كل قاله
كلاما تقوله مابداله براهيـن=ولاينفع الختال كثر الختالـه

أبو زيد يسعى لختلال الموازيـن=وهذا مصير الواقع اللي سعالـه
فزعتوا على دربه وجيتوا معيفين=عساكم تجيبون الرشا والمحالـه

ياحمدان تمشي عكس ويسار ويمين=للاني منعتك صرت تحـت الكفالـه
انا طول عمري ماتبعـت المقفيـن=لكن انت حطك واحدا مـن عيالـه

نظام الكفالة يشمل الهنـد والصيـن=وانا لي مع اهل العز قاله وطالـه
ولا ياغراب البين صبرك على البين=دخلت القفص لو كان مالك ومالـه

على وين ياحمدان رايح على وين =تركت الذهب واخترت سعر البقاله
انا صقر الي مخلاب حر وجناحين=ولاهو غلط لو تكتب الاستقاله