والله يعيدها أيام الوطن والعيـاد=فرحة كل عقدة حزن ٍ تحلـّـها
أنت تعلن عن اللي يعلنون المـزاد=مانبا علوم كثرتها مثل قلهـا

بصمتة نخلة ٍ بين السيوف الحـداد=ظفر بسياسـه وبفراسـه إحتلهـا
قصدي أعاندك فالزرع قبل الحصـاد=لاتعم العرب لاصرت عم ٍ لهـا

تحسب الجمر حيّ ودافنه فالرمـاد=دل بعض الدروب وبعضها زلهـا
بيننا الملح زاد ,,وبيننا ,,الزاد زاد =يارفيق الملح والزاد رح فلهـا

عندنا الأوله صباح وألا هجاد=موتـّة العز ولا حياة ٍ بذلهـا
دام دمكّ مايحتر وقت حرّ وبـراد=دوسهـا لآخر الدعسـة وفرملهـّا