الا ياليل ياليل الشتاء .. تكفا تكف الروع = طويل وظامي الجمه عجر يآرد على بيره
اضدك في سيوف الصبر .. واحمل من وراي .. ادروع = عساني مرفع الرآيه لظلمك يالله الخيره
اغيب وافهق الساقين بنسى حبي الموجوع = والاغرب من نشدني قلت :: مدري بس لي ديره
سألتيني ومن باب العتب دام الحكي مسموع = بقدم لسلة اوجاعي .. ودخلك فضها سيره
لقيتك في دجا مجهم .. شعلت من الغرام شموع = وجاتك نزوت اشواقي تغني ( طالب الجيره )
مثل من علق آماله بغصن من الشجر مرفوع = وهبت نسمت الغربي ولا خلت عصافيره
هقيتك !! ترسم البسمه بوجه من الفرح .. ممنوع = وتمسح صفحت الذكرى ولا تقبل معاذيره
وانا .... ادري خذلتك والخطا من بيننا مدفوع = بتشفع طيبتي دام الغلا سدد فواتيره
عليك الطيب فطره .. والوفاء في خافقك مزروع = حصدت اللي حصدته منك واهديتك نواويره
لعابك مسك .. وانسامك بخور .. وطارك موسوع = وخشمك مثل سل مهندن تبري مغاويره
ولا ينلام شاعر :: شاف وصفك جاب قافه طوع = مدام عيون الثنتين ورموشك جماهيره
؟؟ حشا لله ماكان اختياري اتركك مفجوع = رفض قلبي وخفاقي يلملم .. واحدن غييييييره
احاول اخفي طعوني وانا ادري مثل حب الكوع = تراودني طيوفه .. ليلي المشؤؤم وعصيره
تبي اقرب مثل ... شفت البشر وسط الحرم كم نوع =( حجيجن ) كثرها بالصدر .. لا هْله وتكبيره
عرفتي كيف !! صعبه ( ياغريبه ) مثل حب الكوع = عطيتك سله اوجاعي ودخلك فضها سيره

الاخ/ خالد المقاطي

صح السانك ويعطيك الله العافيه


وتقبل اعجابي