يا سلام الله
 

يا سلام الله سلام (ن) يجتبيه اللي يريده = من تخير بالرجال ايموت مايلحق مداها
السنه هذي سنة من غلق احروف القصيده = والله اني راكب (ن) فوق المطيه و احماها

مرحبا ترحيبة من بنك ما ينقص رصيده = والنوادر بينه واكبر دليل انظر غلاها
تعرف ان حروفها لا هي قديم ولا جديده = قافها واحد ولا تخفا على منهو قراها

البقاء من شاعر(ن) يعرف تواصيف الفريده= ناقة البدوان تعطف و الوبر غطى علاها
صوت اللي بالعشا فوق الجبل ناره وقيده= ظلمت الليل انجلت والضيف مالحق ابعشاها

لا تلفت في حلال الناس وامش الدرب سيده=يقنع الضيف بنصيبه وايتعدى ما شناها
علم الطرقي ترى ما له حضوض مع البديده=صقه اذانيه وتوخر .. ما توحا في نداها

يا سند مانقبل اللي حرف اشروط العقيده= وانت منت بخارج منها ولا انته في رضاها
اعتبر فيما حصل واضرب حديده في حديده=لو غزا الشاوي ترى ما تنفعه رفعة عصاها

عين في نيشانها والعين الاخرى فالطريده=ما نويت اكبها حتى توصل منتهاها
ما حسب خيال سبلا للغليم واتهديده=امنه مستامنه في حيد فيضتها وماها

لا تشيل البندقه وابحث عن الاريا السديده= خل عينك تهتني بالنوم و الأمن ايغشاها
تركي اللي قمت تأخذ عزوته منت بنديده = لا تناظر للسما و الأرض ضايق بك فضاها

لو تدور ابك الليالي وانته بعيشه رغيده=ليلتك لو طال خرمسها يجليها ضحاها
تركي ومسط خوان ولا تسوي لي وليده=راعةٍ لو دار دولاب الزمن ... لا ما محاها

حضرو له ترجماني و المعاجم ما تفيده= درب السانك وحذرا يلتصق بأعلا جماها
يرحم الله من فقدتو وانت منته بالفقيده=حاسبينك بالعدد لو كان ترمي من وراها

سررت بالعب معك و الختام عندك

المعاني من يفهمها الزيود اهل العصيده=صعب تفهمنا وصعب انا نبا نفهم لغاها
ماتت الزمل الكبار وهرشٍ يروع هبيده=من يماني ربعنا اللي مالحقتوا مستواها


صح لسانك والمعذره